Ethigathano lyokakadhona dhingi Miss Okapya osho lya thikana

0
259

ONDANGWA-Uukadhona mboka wa ningi omasiku tawu u likwa mOndangwa, tawu pitile meyotho lyonyama po mahala gokwiinyanyudhila  gayooloka otawu ka ya methigathano lyawo lya hugunina mOlyomakaya ngaka tali ithanwa Miss Okapya.

Miss Okapya otaka ningilwa mEkamuti Town Lodge mOndangwa, moka aatali taa ka mona ongundu yuukadhona uuwanawa omulongo nuutatu (13), nkene tawu kondjele oshikoloni noshihako shaMiss Okapya 2013.

Omulongekidhi gumwe goshituthi shika Sandro Ithana okwa ti, esiku ndi lyakala nokutegelelwa koyendji, osho nee lyathikana, noya tokola ya mana mo okugandja omayinyanyudho ogendji mOlyomakaya tuuka.

Gazza, Jay-Son, Blackdice, DHP, Omfally, Alex na Shyer,naNestor Fly oyo taa ka ulika uunyakwa wawo poshituthi shika. Oshituthi otashi ka tameka poheyali yokomatango, na kehe gumwe okwa tegelelwa.

Ku Pinehas Nakaziko

LEAVE A REPLY

Please enter your comment!
Please enter your name here