Kundana a kundaneka

0
592

ONGWEDIVA – Okudja tuu efiku Ehangano Enyayangidi hano oNew Era Publication Corporation la tokola oku eta omauyelele a wana koshiwana pamukalo woku etapo oshifo shili mulimwe lomomalaka omadalelwamo, hashi nyanyangidwa lumwe moshivike, oupyakadi woku kaleka vahapu konima yefiya omolwa omainda elaka owa ninipikwa.

Ehangano eli ola etapo oshifo eshi Kundana oo ta kundaneke, ta longo yee ta hafifa. Eshi oshali yoo sha kolekwa kOminista yOmauyelele nOmakwatafano Joel Kaapanda, oo a ti le, kutya e tote po loshifokundaneki shOshiwambo shedina Kundana otali ka kwafela oku kundaneka moule ovaleshi velaka lOshiwambo.

Eshi ota shi monika momahokololo elili nokulili oo a nyanyandidwa koshifokunaneki eshi, nokomishangelo hadi nyolwa okepandja lofacebook loshifo eshi kovaleshi novaholi vasho.

Momahokololo taa dimbulukiwa nawa oo Kundana a nyanyangida nokwali a ulika kutya okwa hokiwa kovaleshi omwa kwatelwa ehokololo omo ovapolifi, ovatoolinghundana noshoyo ovakwashiwana vamwe va talele oipwe noidila eshi ondudu yomuAngola Nghiteka Shoongeleni a li tai kendabala oku ninga omatilifo nomambadameko opaundudu opo ngeno aha ye kodolongo, konima eshi a kwatapo omumati omambyona nokumu ehameka kolutu.

Ovaleshi otava dimbuluka yoo ehokololo lomukainhu omunyasha lela wo momukunda Oshiweda mOshikandjohoololo Epembe mOshitopolwa Ohangwena, oo ali ha patele okaana kaye koshilema mondunda shaashi a fya ohoni oulema wako, nelalakano opo ngeno ka fye kondjala.

Kundna okwa li a nyanyangida yoo ehokololo lofamili ya meme Martha Weyulu (58), womomukunda Okapumbu mUukwambi moshikandjohololo sha Etayi, moMusati, oo ali ota kongo ekwafo leendohotola dapyokoka opo di konakone ovana ovo hava lemana peheshivike kutya okoshike eshi tava fiki pepupi leedula 26. Eshi Kundana a nyayangida ehokololo eli, ovaNamibia ovaholimbili vamwe ovaka yandja omakwafo kofamili ei, navamwe ova yandja omayele nedina londohotola oyo tai dulu oku kwafela.

Ovaleshi voshifo eshi ovaleshele yoo ehokololo lomunangeshefa Mathias Sigoaluhe (Sigo) Amunyela oo a li a ekelashi omapopyo oo ta e mu popilwa kutya okwa li moukakunya pefimbo loukoloni hano moKoevoet.

Limwe vali lomomahokololo oo ali a endifa omitima dovaleshi vetu olokofikola kOshilemba mOmusati olo la kufile  nokuli ovakwamhepo momutumba vaka ilikanene ofikola oyo ta i hepekwa keemhepo danyata.

Kundana a eta yoo poluhaela oilonga ii tai longwa moshiwana omo mwa kwatelwa ehokololo lOmuhongifikola a kwatwapo molwa ekwatonghonga, noshoyo omukukunhu fikola oo hafaula medina loukolwe.

Kakele kokukundaneka, ngedina laye Kundana mefimbo lixupi elela omo a totwapo okwa etela yoo kovaholi vomaudano eenghundana domaudano nodomalihafifo omo mwa kwatwelwa ongundana ina sha noudano wotete tete konooli wokutunga omalutu pamadeo oo wali wa etwapo koYAP GYM omo Hiedison Nghipondoka woko Ours Gym ali a hoololwa onga enyakwa dingi moudano oo.

Kundana a etela yoo ovaleshi eenghundana domaudano okomikunda omo mwa kwatelwa oudano wOutapi Guest, nonghene Shiyenga shaNangobe a tilaela oupale vomaudano moshilongo omeva.

Oshifo shoshiwana osha eta vali pouyelele ovashikingalo vamwe ovo vali veheshivike ngaashi Trapstar oo ati kutya ina hala okukala nookaume vahapu unene. Kundana okwali yoo a nyanyangida euliko loikutu kovahondji ovaNamibia olo la li yoo la eta ovahondji vokondje yoilongo.

Omahokololo aeshe aa namakwao mahapu oko natango eli ko website yaKundana hano o www.kundana.com.na

Oshifo shoshiwana otashi halele ovaleshi vasho noshiwana ashishe koonono oKrismes ya yambwekwa nOmudo mupe waNelao.

LEAVE A REPLY

Please enter your comment!
Please enter your name here