Omapungulo pangeshefa oga enda nawa nuumvo nando okwa li oluteni

0
221

ONGWEDIVA – Omunashipundi gwoshitayi shEhangano lyaanangeshefa nOofabulika lyaNamibia kUumbangalantu okwa ti nando okwa li oluteni olulu nuumvo ndoka lwafala monkalo onene yiikulya yapumba noshowo lwa ehameke omahupilo goshilongo,ekoko momapungulo gomoshilongo noshowo ngoka ga za pondje olya nwethamo unene oongeshefa.

Metumwalaka lye lyopehulilo lyomumvo Thomas Koneka Indji  okwa ti ekoko ta li tsikile momapungulo ngoka taga ziilile pondje yoshilongo oga ndhindhilikwa nomuumbangalantu woshilongo unene ngaashi momatungo giiyalo yopashigwana yasimana ngaashi oondjila nomatungo galwe gopashigwana noshowo galwe moshikondo shopaumwene. Indji okwa ti iilong mbika ya gumu shuukilila omahupilo goshilongo pamukalo omwaanawa.

“Otwa itaala kutya oshindji otashi ka ningwapo nenge otashi ka longwapo kepangelo omumvo 2014 okuyambidhidha omapungulo gomeni lyoshilongo. Onga ehangano lyaanangeshefa alike moshilongo tse otuli mehala ewanawa nomekwatathano ewanawa naa ningi yomatokolo pondondo yoshigwana oku humitha komeho omalalakano guukilila gopangeshefa. Omalalakano ngaka gopangeshefa oga hala oku kondjitha okwaana iilonga, oluhepo noshowo okwaathike pamwe momuthika gweliko moshilongo shika ngoka hoka natango inaaku sindika.Indji okwa popi einekelo lye kutya epangelo nomomumvo taguya ota li ka longitha oshimaliwa oshindji okufala komeho eyambulepo lyomahupilo noshowo lyonkalathano ngaashi uundjolowele, elongo netungo lyiiyalo moshilongo.” Indji a ti.

Iindji okwa kwashilipaleke kutya  NCCI ota tsikile noku ulika kuty ye oku na ewiliko lyoshili kombinga yiinima mbyoka tayi gumu ethigathanopo pamahupilo gaaNamibia oku yeleka naanangeshefa palwe muuyuni. Oshowo oku tala nkene omapungulo gaapunguli yaza pondje yiilongo yawo taya nwethamo omahuplo ga Namibia oshowo nkene aanangeshefa Aanamibia taya longo  okutunga omalongelokumwe gopangeshefa nomahangano gaza pondje yoshilongo nongeyi taya gwedhako ongushu kiilongomwa ya Namibia.

“Nonando aanangeshefa olundji oya taalela omashongo ogendji nomadhigu, ngaashi ngoka gokutokola kutya omulandu guni tagu landulwa mokukalekapo ongeshefa shoka shasimana ooshika kutya omulilo gwetegameno natango nagu tsikile gwa hwama.Oongeshef dhetu odha hala oku tamununamo uuwanawa waaniilonga yetu. Oshoka tse atuhe otwa pumbwathana onkene otuna oku kala twi inekelathana.Shono tuuka moshtuthi shoKrismesa tse atuhe poombelewa dha NCCI otwa hala oku dhimbulutha oshigwana kutya ndika ethimbo lyokutopolelathana unene tuu okupa mboka yeli mompumbwe” Indji a indile.

 

Ku Kakunawe Shinana

LEAVE A REPLY

Please enter your comment!
Please enter your name here