Omumvo 2013 ngaashi gwali

0
198

Omumvo 2013 ogwa li omumvo tagu hokitha pwaana omalimbililo nonando oshifonkundana shika sha Kundana osha tameke oku kundaneka lwotango muAguste.Ondjila yasho oya li ombwanawa.Otwa li twa tameke oshifo shika oku tala nokulola omaiyuvo goshigwana. Onkene otatu ti eyamukulo okuza koshigwana olya li tali nyanyudha unene, haandyoka twali twa tegelela.Natse otwa li twa kambadhala oku kupa oonkundana oompe melaka ndyoka wu uvite nawa. Inatu kala twa hala oshifo shika shikale ashike oshikundaneki shoonkundana dhatolokwa ndele shikale woo tashi gandja oonkundana nomahokololo ngoka ga holoka ogo ageke ashike musho no inaaga nyolwa miifo yilwe moshilongo, ga leshwe kaaleshi yetu yelaka lyOshiwambo.Otuna etegameno oku ka nkondopeka iilonga yetu mbika omumvo tuuka.

 

Omumvo tuuka omumvo woo gwashewa oshoka mugo otamu ka kala muna omahogololo gopashigwana nogopauperesidende.Onkene natu hulitheni omumvo nguka , nedhiladhilo kutya omumvo ngoka tuuka ota gu ka kala omumvo woo moka twa teglelwa oku longa nuudhiginini noshowo omumvo moka kehe omukwashigwana ta kala tegelelwa oku igandjela oshilongo mokushiyakula paankondo dhe.

Omaishangitho gaahogololi ayehe moshilongo ashihe ota ga tameke momasiku 15 January na ota ga hulu petameko lya March 2014.Onkene oshigwana ashihe shoka shili pomimvo dhoku hogolola  osha tegelelwa shi ka kuthe ombinga momaishangitho ngoka opo shi vule oku ka hogolola momahogololo gopashigwana nogopauperesidende omumvo ngoka.

 

LEAVE A REPLY

Please enter your comment!
Please enter your name here