Oospana otadhi ka taambako uudhano methigathano ndika

0
184

WINDHOEK – Oospana dhetanga lyokoompadhi dha Namibia ota dhi ka tameka ishewe okudhana muudhano womanyakwa wehangano lyetanga lyokoompadhi moAfrica nenge Confederation of African Football[CAF]. Namibia okwa ningi omimvo odhindji iikuthamo mokudhana methigathano ndika kuye mwene.Enyakwa lyuudhano wetanga lyokoompadhi lyaNamibia Black Africa olyo tali ka dhana methigathano ndika sho tali ka tsakanena nenyakwa lyoLiga ya South Africa, Kaizer Chiefs omumvo tuuka.

Black Africa otaka ya ko Johannesburg omolwa uudhano mbuka a ka kondjithe Kaizer Chiefs momasiku ga 7-9 February 2014. Uudhano uutiyali methigathano pokati koospana ndhika mbali otawu ka dhanenwa moWindhoek konima yoshiwike shimwe.

Ospana ya Black Africa oya tegelelwa yi ka likole oshindji pashimaliwa oshoka ospana ya Kaizer Chiefs oyi na aayambidhidhi oyendji moNamibia.

Ospana yomoKatutura,  African Stars ota yi ka dhana methigathano lyuudhano mboka hawu ithanwa Confederation Cup, ta yi tameke moWindhoek oku kondjitha Atletico Pedro Leos yokoAngola moshiwike shotango sha February omanga edhingoloko etiyali ota li ka dhanenwa koAngola.

Ku Carlos Kambaekwa

LEAVE A REPLY

Please enter your comment!
Please enter your name here