Uudhano woongonyo moshitopolwa shaMaheke weende nawa

0
203

GOBABIS – Uudhano woongonyo mboka wa li wa tegelelwa pokati komudhengingonyo , Vikapita”the Beast Meroro  gwa Namibia mondjundo yo Cruiserweight na Said Mbelwa gwa Tanzania ehuliloshiwike lyayi otawu kala nokuhokololwa uule wethimbo.

Uudhano mboka owa dhanenwa moshinyanga posikola ya Wennie Du Plessis High School moGobabis sho aadhengingonyo yopaithano ya ka dhengele oongonyo mondoolopa yokuuzilo olyomakaya ga yi. Ndele olugodhi ndoka olunene lwesiku ndyoka pokati ka Meroro na Mbelwa olwa ka talika lwa fa ashike  ocircus ya Boswell Wilky sho omukondjithi gwa Meroro omuTanzania a kala ta fadhukapo ashike mokruita a fa a tila okudhengwa kumukwawo. Okwa li ta henauka noonkondo, shoka inaashi monika nando onale muudhano woongonyo.

Uudhano shono wa tameke osha li sha yela kutya Meroro ote ke wu mana meni lyomadhingoloko ngoka guuthwa, sho a li ta dhenge omukondjithi gwe oongonyo dhomolutu, naashika osha etele Mbelwa a kale ashike ta matuka moringa no ku yanda okudhengwa noonkondo.

Meroro ngoka a li ena ondjundo yookilograma 95 okuyeleka nookilograma 81, 05 dha Mbelwa okwa li unene omunyakwa okuyeleka na Mbelwa.

 

Oku tondoka kwa Mbelwa moringa okwa thiminike omuhikihiya gwa Namibia, Timo Haikonda  opo a londodhe  Mbelwa ndele nguka okwa tsikile ashike ta tondoka noku fadhukapo, Meroro nolwa hugunina Haikonda okwa tokola ashike a  hulithepo olugodhi ndoka, molwashoka Mbelwa kali ena evuliko noshowo esimaneko

 

Omudhengingonyo nenyakwa nale mondjundo yoLightweight  Jatoorora “the Sting” Tjingaveta, okwa galukile muudhano woongonyo konima yoku kala ethimbo ele ihaa bokisa na okwa li a dhana nawa nokusinda omukondjithi gwe, Tommy Hango niitsa. Aabokisi mbaka oya kondjo mondjundo yo Welter weight ndele kaya li taya kondjele oshishani shasha nenge epaya lyontumba.

The Sting, ngoka a kondjo lwotango mondjundo ndjika okwa sindanapo olugodhi ndoka niitsa patokolo lyaagandji yiitsa ayehe.

Momaudhano galwe goongonyo ngoka ga kondjwa omanga uudhano wa Meroro naMbelwa inaawu tamekwa, Rafael Ita okwa dhenge Kapena Hamutenya molugodhi lwe lwotango ongo omudhengingonyo paithano mondjundo yo Junior Lightweight. Uudhano mbuka okwe wu sindanapo  niitsa oyindji konima yomadhingoloko ge li gane. Omudhengingonyo Natanael Kamati okwa sindana muudhano wondjundo yo Super Bantamweight sho a dhenge  Abner Mwafangeyo niitsa konima yomadhingoloko gahamano.

Steven Shimbonde okwa dhenge Jason Mashalavia mondjundo yoJunior Welterweight nongonyo yimwe nopevi medhingoloko lyotango. Muudhano wondjundo yoSuper Bantamweight womadhingoloko ga4-pokati ka  Isaac Anyela na Onesmus Nekundi owa hulile metokolo lyoyendji konima yomadhingoloko gane.

Walter Kuutondokwa okwa dhengemo, Immanuel Hamatwi medhingoloko lyotango omanga mondjundo yoCatch weight Sebastian Natanael okwa dhenge  Rocky Haraseb nongonyo yimwe nopevi medhingoloko etiyali sho Haraseb a tindi oku galukila moringa konima yokafudhepo muudhano womadhingoloko geli gane.

Sebby Sheuyange sigo oompaka ina sindana nando olugodhi lumwe konima yoku kondja iikando yili iyali ongo omudhengingonyo paithano, sho a dhengwa niitsa ku Manfred Haimbinga molugodhi lwondjundo yo Junior Lightweight konima  yomadhingoloko gane.

Ku Carlos Kambaekwa

 

LEAVE A REPLY

Please enter your comment!
Please enter your name here