Uunona uyali wasi ishewe omeya moMusati

0
171

ONGWEDIVA- Opolisi mOshitopolwa shaMusati oya kumagidha aavali yomoshitopolwa shawo opo ya sile uunona wawo oshimpwiyu oshoka uunona owindji otawu si omeya.

Shika osheya puuyelele sho onkalamwenyo yo kanona kokamati koomvula omugoyi ya ningwa  ohupi sho kagwile mokatale molyomakaya gaziko.

Okwa hokololwa kutya okanona haka okali keli nokakwawo etaka gwilitha `oshinima mokatale komeya eta ka kambadhala keshi landulilemo .

Sho nduno kalandulako okanyengwa okuyoga etaka si omeya omanga oka kwawo katalako.

Okwa ti kutya okakwawo hoka woo kena oomvula 9, okayi kegumbo opo ka ka lombwele aakuluntu mboka ya tseyithile opolisi oshoka aakuluntu naashiinda oya kambadhala opo ye ka hupithe ashike okwa li kwatoka.

Oshiningwanima osha ningilwa moshitopolwa shaMusati moshikandjohogololo shaKahao momukunda gwedhina Oshituku .

Moshitopolwa tuu shoka omalopotwa oshiningwanima sha faathana moka okanona koomvula 4 kasi woo omeya sho kagwile mokandombe komeya mOmaandaha go shiwike shika, mOkathitukambanda mOkahao .

Okwa hokololwa woo kutya okanona haka oka li katumwa kuyina ka kahinge iikombo hoka kayi namukwawo ethike puye.

Opolisi yaMusati oya ti kutya yina yokanona okwa mono nee aanona ya kalako kiikombo eta ya landula.

“Sho eya landula okwa adha nee nduno okakwawo ka kuutumba  oko akeke, ete kapula kutya okakwawo okeli peni ashike hoka kahupu ka kwali lela ta ka popi mpoka puna mukwawo oshoka okashona uunene okali ashike taka ulike . Nakuvala okwa tsikile noku shilila oompadhi dhomwana ndhoka a lambalala sigo opo kandambe komeya,”Opolisi yakwashilipaleke.

Opolisi oya gwedhapo ishewe kutya omuvali okwa adha uukaku womwana komutunda gwokandambe eta dhilaadhila kutya okanona okena oku kala ka gwila momeya.

Nakuvala okwa ithana aashiinda opo yemupopile ashike inaya ningapo sha oshoka okwa li kwatoka noonkondo, aatondokinkugo oya tseyithile opolisi.

 

 

Ku Loide Jason

LEAVE A REPLY

Please enter your comment!
Please enter your name here