A hogololwa ongo Ominista yAagundjuka moshitopolwa shomatalelopo

0
206
Taloshili Olavi Hangula Ominista yAagundjuka Yomatalelopo mo SADC.

WINDHOEK – Taloshili Olavi Hangula gwomenongelo lyopaumwene lya  Gymnasium Private school okwa hogololwa ongo Ominista yOtango yaagundjuka yoshitopolwa sha SADC moshimpungu shOmatalelopo.

Hangula, omunamimvo  15, okwa li a hogololwa ongo Ominista poshigongi shopashitopolwa shehangano lyOmatalelopo mUumbugantu wAfrica nenge RETOSA. Oshigongi oshaliko momasiku ga 6                                                                         December 2013 moSeaside Hotel moSwakopmund.

Okwa pewa epapa ndika konima yoku sindana mokunyola etotwahokololo kombinga yaagundjuka nOmatalelopo ndyoka lya li tali nyolwa okuza muAuguste sigo November 2013.Iilyolongo omulongo 15 ya SADC  Angola, Botswana, DR Congo, Lesotho, Malawi, Madagascar, Mauritius, Mozambique, Namibia, South Africa, Seychelles, Swaziland, Tanzania, Zambia na Zimbabwe oya li ya kuthombinga.

Ethigathano ndika olya li ashike                            shimwe shomiiningwanima pethimbo lyoshigongi shoka. Moka ye a hogololwa oku kala mewiliko ongo omunambelewa sigo omumvo 2015.

“Oshilonga shandje oku kala omwaambasade guutalelipo mokati kaagundjuka, oku ulika kutya omatalelopo ogo  oshinima sha simana opo oshilongo shetu shi hume komeho nokuhupa pamahupilo.

“Oshikwawo osho oku humitha komeho uutalelipo moshitopolwa sha SADC ,”Hangula a ti.

Okwa ti mokushanga etotwahokololo lye okwa tala kiinima mbyoka tayi nawapaleke oshikondo shuutalelipo moNamibia, shi vulithepo pomuthika mpoka shi li ngashin-geyi.

“Onda longitha ontseyo yandje yokupopya komeho gaantu moskepa mefuta lyAntarctic hoka oko kwali kwa ningilwa iipopiwa na onda popi naashika osha nana ohokwe yaagandji yiitsa, nakehe gumwe a li moskepa pethimbo ndyoka,” Hangula a ti.

“Oshinakugwanithwa shika oshina omauwanawa ogendji ga kwatelamo okweenda noshowo  okukala omutse gwopapolitika. Shika otashi pendje ompito opo ndi ulike ontseyo yandje kutya oya hogolola Ominista Yaagundjuka Muutalelipo yili mondjila moshitopolwa shaSADC.

Shika ota shi pendje woo ompito oku kala miigongi iinene muuyuni kombinga yomatalelopo moka nda tegelelwa oku ka gandja iipopiwa, nongeyi otandi kala nenwethemo nando ngame omugundjuka.

Okwa ti aagundjuka yaNamibia na ya kale yena oondjodhi oonene, oshoka mokuyaguma otamu zi ehalo oku ndjambula sha monkalamwenyo.

Okwa ti aagundjuka naya kotokele enwethemo ewinayi tali vulu oku ya zila moshigwana unene tuu ngele tashiya poku ninga omatokolo gawo yene.

Okwa kumagidha aagundjuka ya longe mekwatelokomeho lya Kristus ngoka ngele ka ye muna nena yo itaya vulu sha.

Ku Sabina Elago

LEAVE A REPLY

Please enter your comment!
Please enter your name here