Magdalena Haipumbu oye Miss Young Kasi 2013

0
297

ONDANGWA–Magdalena Haipumbu gwomvula 18, ha sikola posikola  yaNehale Senior Secondary School okwa u likwa oye  okakadhona dhingi, methigathano lyaMiss Young Kasi 2013, lya ningilwe pOluno Community Hall muDesemba.

Ndika olya li ethigathano lyotango lya longekidhwa kongundu yaayimbi yatatu yoongalo dhoKwaito, hayi i thanwa Young Kasi, ndjoka yili kohi yelelo lya Ames Investement Cc.

Petrina Matheus gwoomvula 18 okwa u likwa oye okakadhona dhingi keya pehala etiyali, omanga Lavinia Festus oye okakadhona keya pehala etitatu. Ethigathano ndika okwali lya u like uukadhona uunyasha omulongo,  woomvula dhopokati ko16 sigo 25, moka mwazi owala utatu owo wa sindana. Magdalena okwa ti okwa li uuvite uuntsa nuunambano okupewa oshikoloni shika shotango, nokutota po ondjokonona ya Miss Young Kasi.

“Elalakano lyandje oku ulika ongundu ndjika kuuyuni awuhe opo ondjodhi yawo yininge yoshili onga aaimbi taalongo nuudhiginini, tashi pitile mokweenda kwandje, nondjelo yandje ombwaanawa,” Magdalena tati.

Petrina ngoka eya pehala etiyali okwati, aanyasha yaNamibia oya pumbwa okuyambulwa po, tashi pitile momathigathano gatya ngeyika. Lavinia woo ngoka eli omuiilongi poshiputudhilo shopombanda sha Namibia (Unama) okwa ti, okwali a nyanyukwa unene oku kutha ombinga methigathano ndika nando haye a sindana po oshihako sha Miss Young Kasi.

Okakadhona dhingi Miss Young Kasi okali ka sindana oCellphone, owili  yokekuma, omagadhi gokwiishasha gagwandjwa ko Pola Pharmacy, oshifanduke, nonzapo yokweenda nawa.

Omuwiliki gwoshituthi shika nokuli omwiimbi gwongundu Young kasi Dasilva Mwetufena okwa ti, ethigathano ndika olye endele nawa nolya gandja oshiholelwa kaakalimo oyendji yomOndangwa. “Magdalena oye e li ngaashingeyi omukwateli komeho gwongundu ndjika nomutoti go Young Kasi Modeling Academy. Ota ka kala ta gandja omadheulo kaagundjuka mboka yena ehalo lyokuulika uunongo wawo wokweenda okupitila mongundu ndjika Young Kasi,” da Silva tati.

Ku Pinehas Nakaziko

LEAVE A REPLY

Please enter your comment!
Please enter your name here