Oshituthi shomumvo omupe osha dhanenwe nawa moshilando

0
211

WINDHOEK – Kwaambo yali ya kala moshilando momasiku sho gali Desemba 31, oyali ya tyapula oshituthi shawo nenyanyu shomumvo omupe, shono shali sha longekidhilwa owina ko City of Windhoek no Tafel Lager, sha dhanenenwe komeho goombelewa dha City of Windhoek, mepandaanda lyaIndependence Avenue moshilando shaVenduka.

Pamwe naahikingalo oyendji aaNamibia, oshituthi shika oshimwe shomiituthi oyindji yaningilwe moshilando, sheendele nawa noonkondo adhihe, moka ehwata lyaakalimo oyendji  yali ya holoka poombelewa mpoka ya tyapule pamwe  naakwapata yawo.

Einyanyudho ndika olyali lyeendele pamwe nuutopitha womewangandjo, mboka waningwa otundi ontimulongo nambali yuusiku sho ya dhenge. Pamwe noondigolo dhaambo yali ya thiki momumvo o2014 nomalutu taga inyenge, esiku ndika olye endele nawa.

Ona, Essence, Ben-Jex, Jaliza & Friends, Diop, Sally, Exit naGazza, oyamwe yomaahiki ngalo aaNamibia yali ya nyanyudha oshituthi shika moka omuhikingalo Diop, a li eshi patulula noongalo dhe dhoOviritje, ta landulwa  kuExit, ethimbo lyuutopitha sho lya thikana.

Ku Pinehas Nakaziko

LEAVE A REPLY

Please enter your comment!
Please enter your name here