Shawty-P omuthaneki gokomake omunongononi

0
281
Shawty-P ta ulikile omupresidende gwotango gwaNamibia Sam Nujoma efano lye ndyoka a ninga yemwene

WINDHOEK – Omvalele yomOngwediva Pandeinge “Shawty-P” Moses, omugundjuka  gwoomvula 24, omukiintu ngoka a mwena noonkondo adhihe, ashike ngele tashiya poshipewa she shiilonga yokomake, ano okuthaaneka nokumbambeka noopena dhomakala oye kamana kandongo.

Shawty-P okwa hita osikola ye yuunona po International Primary school moka a ka tsikila ko i shewe koMweshipandeka High School, eilongo lye lyopombanda.

Shawty-P okwati, manga a li omunona, ina mona naana ethimbo lyokudhana nuunona uukwawo, oshoka okwa kala onga omuthaaneki, qwiiningwanima mbjoka hayi ningwa esiku kehe.

 

Iilonga iipe yokomake ya Shawty-P oya kwatelamo omapaindo gali ko nale naa ngono opo ga ndulukwa. Ehuku lyiilonga ya Shawty-P otali tsu omuthindo kiilonga yokupainditha oopena dhomakala, noombapa, ano oopena dhomalwaala ogendji, nuudhimitho. Iilonga ye oya talikako ongo okupainda kopaushitwe, no tayi ulike omafano genasha nomaupyakadhi gonkalathano, unene tuu omashongo gataalela aakiintu aaNamibia naanona.

Omafano gamwe giilonga yomugundjuka nguno otaga ulike ngaashi omukiintu omuNamibia Dellish Mathews, ngoka opo a sindanene po ethigathano lya Big Brother Africa The Chase, omvula ya ziko, omanga omakwawo taga ulike uuwanawa wuushitwe nosho woo oonzo dheshito. Efano limwe ndyoka tali ulike uunkulungu wa Shawty oondyoka lyomuperesidende Sam Shafiishuna Nuujoma.

“Pakukoka kwandje inandi mona nando omuhokithi gwiilonga yandje ngele tashiya pakuthaaneka noonyala, a shike oomvula dhaka pita, ondakahokwa iilonga yomuthaneki omuNigerian Kelvin Okafor, ngoka omunongo mokuthaaneka kamana kandongo. Iilonga ye oya pendje ihe omukumo opo ndipule komeho, mwaashoka kwali te ningi,” Shawty-P tati.

Shawty-P okwa gwedha po tati, mongashingeyi okwa tameka ihe oku  ithaneka ye mwene opo a gandje oshiholelwa kaagundjuka yepipi lye. Okwa gwedha po ishewe tati, ota kaninga ehangano lye yemwene lyokuthaaneka, moka ta ka kala teende no ku talelapo kondje yiilongo ta u like iilonga ye, komahala ga yooloka.

Euliko lye lyiilonga ye yotango yokomake otali ka ningwa moVenduka no talika landulwa komakwawo ogendji kondje yiilongo. Kwaambo taya ka kala ya hala okukwathela Shawty-p, kutya nee okompumbwe yopashimliwa, nayo oya tegelelwa.

Ku Pinehas Nakaziko

LEAVE A REPLY

Please enter your comment!
Please enter your name here