Uukalata uupe waahogololi woplastika – uuwanawa wo owu li nawa

0
236
Omuwiliki gwopevi gwo ECN, Hilda Nakakuwa ta ulikile Kundana okakalata komahogololo ko PVC, naahoka okakulu kombapila ya laminaitwa.

WINDHOEK – Okommissi yOmahogololo ya Namibia oya tokola okuetapo uukalata womahogololo uupe mboka wuli molupe lwoplastika.Shika ECN okwe shiningi opo a yande ekengelelo noshowo eningululo lyuukalata mbuka mpoka tashi vulika okuningwa.

ECN omumvo gwayi okwa li a tokola opo uukalata mboka tawu ka gandjwa kwaamboka taya kiishangitha oshiwike tuuka wu kale uukalata woplastika hoka kuna woo okamutse komuhogololi. Mbuka owo tawu ka longithwa pethimbo lyomahogololo gopashigwana ngoka taga ka ningwa pehulilo lyomumvo nguka.Uuyelele mbuka owa pewa Kundana kOmuwiliki gwopevi gwoECN, Hilda Nakakuwa.

“Uukalata uupe woPVC (nenge woplastika) owuna omaukwatya gegameno gopashinanena, ngoka haga keele mbuka waa ningwe ookopi nenge wu lundululwe pamukalo gwontumba nenge gwongandi.Namibia otaku tiwa oye ngiika oshilongo oshititatu menenevi Africa tashi longitha uukalata mbuka, osho omunambelewa gwiikwakompiuta poECN , Milton Louw a ti,

“Otandi kumike aaNamibia ayehe aakuluntu naagundjuka opo ya longithe ompito ndjika oku kala yiishangitha ongo aahogololi, opo ya pewe uukalata uupe womahogololo,” Nakakuwa ati.
Louw okwa ti ngele omuhogololi okwa kanitha okakalata ke ,ECN ota vulu oku ka pingenapo pethimbo lyeishangitho lyomahogololo tali tsikile. Omukalo tagu tsikile gwokwiishangitha ongo omuhogololi otagu ka tulwa po , naanguka otagu ka gandja ompito kwaamboka taya ka kala ya kanitha uukalata wawo uupe opo ya vule oku pewa uukalata wokopi molwashoka mboka wotango owa li wa kana.

 

Ku Kuzeeko Tjitemisa

LEAVE A REPLY

Please enter your comment!
Please enter your name here