Aaniilonga poArandis ya geya kombinga yoondjambi dhawo dha December.

0
200

ARANDIS – Aaniilonga yehangano lyokulonga iikutu lyedhina Dantago Clothing oya li ya geya omolwashoka oondjambi dhawo dha December kadha li dha futwa. Ehangano ndika ohali hondjo iizalomwa mbyoka hayi landwa koongeshefa oonene dhiizalomwa moshilongo. Aaniilonga ashike 249 yomaaniilonga 436 yehangano ndyoka lina oofabulika dhalyo moArandis ya li ya futwa oondjambi dhawo dha December 2013 momasiku 17 ga December, omanga 190 ina ya futwa kwali.

Kakele kaashika aaniilonga oya kundana woo kutya ehangano lyawo ndika kalya li lya futu oopenzela dhawo koshiketha shoopenzela sha Orion Namibia Pension Fund, nonando iimaliwa yawo mbyoka oya li ya nanwako koondjambi dhawo omwedhi kehe.

Shika noshowo omanyenyeto galwe oga thiminike opo aaniilonga ya holole omadhiladhilo pambili ya tsondumbo naashika tashi ningwa kehangano yeshi ningile poofabulika dhehangano metitano oshiwike shayi po Arandis.

Ku Eveline de Klerk

LEAVE A REPLY

Please enter your comment!
Please enter your name here