Eindjipalo lyiipindi yomanongelo, sho osikola ya tameka

0
233

WINDHOEK – Pomatango ngaka omanene oosikola dhaanona opo dha tameke, iipindi yomanongelo nayo oyi indjipala noonkondo adhihe. Oshifo shoshigwana Kundana oshali sha talele po dhimwe dhomoositola moshilando shaVenduka moka sha ndhindhilike eindjipalo miilandithomwa ngaashi, Omizalo dhosikola, omambo, oopena, omizaleko dhomambo niikwawo oyindji, okupula nkene taye shi enditha moongeshefa dhawo.

Gumwe gwomaalandithi mositola nokuli talandithile moWenrhil Park, Maria Akafo okwati, shika otashi ulike lela kutya aanona oyendji yosikola oya pumbwa omizalo niilongithomwa ayihe hayi longithwa momanongelo. Okwati, shika otashi eta elunduluko enene ngele tashiya moongeshefa dhawo, okulanditha iinima mbika noonkondo adhihe.

“Etiyali lyoshiwike shika olyo lyali esiku lyiilonga nolyali lyuudha noonkondo adhihe, moka aavali naatekuli yaanona yamwe yomuyo yafaula iilonga yawo okusila aanona yawo oshimpwiyu nokuyakongela omizalo dhosikola, niikwayo oyindji,” Akafo tati.

Martin Timoteus, oye omunona ngoka ha hiti posikola yoHage Geingob School nokuli mograde ontiheyali. Okwati, ndika olyo a shike ethimbo yamona okulanda oshoka yamwe oyali yeli natango momafudho gawo niilonga oyali oyindji noonkondo adhihe. “Aakuluntu yetu oyati, ita ye tu pesha omanga inaatu longa omapya gawo, shono nee sha etitha, eindjipalo lyiilandithomwa, poshikando shimwe,” Timoteus apopi.

Ku Pinehas Nakaziko

 

LEAVE A REPLY

Please enter your comment!
Please enter your name here