Ethigathano lyOngundu Yahugunina Yathikama tali tameke omwedhi taguya

0
195

WINDHOEK – Ethigathano etine lyokomvula lyOngundu Yahugunina Yathikama, ano o‘Last Band Standing’, okwa tengenekwa lika tameke muFebuluali 01. Ethigathano ndika okwali lya totwa po koNational Theater of Namibia mo 2010, nelalakano oku yambulapo oongundu dhokwiimba dhaNamibia, okudhitula ponkatu yo pombanda nokuyambulapo omayinyanyudho gomoshilongo, okupitila momathigathano ga yoolokathana.

Omukwatheli mokutota po iiningwanima mbika moNTN Senga Brockerhof okwati, muDesemba omvula ya zako oya ithana aayimbi yiishangithe methigathano moka yali ya mono ashike eefoloma dhaayimbi dhaadha po 44, moka mwakakuthwa a shike oongundu dhili 24 moshihogololitho shahugunina, notadhi katameka nethigathano lyadho mu Febuluali.

“Oshitopolwa shotango shethigathano ndika etine  oomoka tamu ka monika oongundu ndatu ta dhi ka wayiminathana, okukondjela koshitopolwa oshitiyali shethigathano olyo tuu ndika. Moshitopolwa shotango otamu kaza a shike ongundu yimwe, ndjoka tayi kaya koshitopolwa oshitiyali ngele yasindana mokudhenga mo oonkwawo mbali,” Senga tati.

Okwa gwedha po ishewe tati oongundu ndhi tadhi ka tameka mulyotango lya Febuluali ongaashi neeLinda, Famaz Attack na Wambuseun, tadhi kalandulwa ku Amakhoe, Mr Green na Jaliza & Friends, mu gatano gomwedhi ogo tuu ngoka.

Opoloyeka ndjika ngashingeyi oya ulika nale aasindani yethigathano ndika okuza mo2010 ngaashi Ras Sheehama, Shishani naEtondo, ndhoka dhina nale iihako yadho yethigathano lyo Last Band Standing.

Ku Pinehas Nakaziko

LEAVE A REPLY

Please enter your comment!
Please enter your name here