Hapulile megameno lyopolisi

0
312

ONGWEDIVA – Mwene gwomukunda Oshitishiwa, moshikandjohogololo Okongo , Tileinge Hapulile oku li kohi yegameno lyopolisi, ndjoka ya langela egumbo lye ethimbo alihe oshoka oshigwana shomomukunda ngoka inashi mu hala ongo mwene gwomukunda gwawo. Hapulile okwa langekwa mwene gwomukunda kelelo lyoshilongo shOndonga muJuly 2013.

Omukunda Oshitishiwa oguli kohi yelelo lyopamuthigululwakalo lyoshilongo shOndonga nando paitopolwa yopapolitika otagu adhika moshitopolwa sha Hangwena.

Elangeko ndika olya eta opo aakwashigwana yomomukunda ngoka ya ninge ehololo lyomadhiladhilo inaa ya hala Hapulile. Oya dhike ootenda noothaila kaakushi unene kokule negumbo lya Hapulile, oyena woo iikulya yawo nomeya pehala mpoka. Oya ti yo itaya taambako elelo lya Hapulile  nenge lya gumwe gwomaanegumbo ongo omwene gwomukunda ngoka. Oya ti ina ye mu hala oshoka aniwa oku na iipotha yomuyonena oyindji naambyoka oye mu ningi a kale itaa vulu  oku kala omuwiliki gwawo.

Onkalo pahapu dhomupopiliko gwopolisi moshitopolwa sha Hangwena, Abner Kaume Iitumba, ota yi etitha omaipulo nonando oya fa ngaa yili hwepo .

“Otwa thiminikwa oku kaleka aanambelewa yopolisi pegumbo lya Hapulile okuza tuu sho nguka a ningwa elenga naanambelewa mboka opo taya kala mpoka sigo onkalo ndjoka ota yi monenwa epotokonono lyomukundu. Omupya omunene onguka kutya tse ongo opolisi katuna shoka tatu vulu, kakele ashike koku kalekapo oveta nelandulathano opo pwaa ehamekwe nando omuntu. Opo ishewe oshigwana shaa longithe oonkondo  shuukitha megumbo lyomuulikwa nguka.Elelo lyOndonga olyo alike tali vulu oku kandulapo uupyakadhi mbuka,’ osho Ititumba ati

Iitumba okwa ti opolisi oya kambadhala okupopya naantu mboka ya tsondumbo neuliko lya Hapulile , omathimbo gamwe oha ya zimine okwiihumbata nawa ndele shika oha ye shi ningi ashike uuna pena opolisi.

Elelo lyOndonga ina li monikwa opo li tye sha kwaashika molwaashoka oongodhi dhalyo inadhi yamukulwa sho Kundana a dhengeleko.

Ku Kakunawe Shinana

LEAVE A REPLY

Please enter your comment!
Please enter your name here