Ka hogololwa methigathano lyuufeelema uufupi muAfrica

0
399

WINDHOEK – Okafeelema okafupi kadhanwa kaaNamibia kedhina “Everything Happens for a reason,” shono tashiti, kehe shimwe ohashi holoka molwetompelo, oka hogololwa ko internet onga okafeelema komuukwawo uufupi omulongo (10), methigathano lyo Afrinolly Short Film Competition (ASFC), muAfrika.

ASFC ethigathano ndoka lya kala tali dhana onkandangala mu Afrika oomvula dhapita, okuza mo2011 nelalakano okuyambula po aadhani yuunyandwa uufupi ngele tashiya miilongo ya yooloka menenevi lyaAfrika.

Omutoti nomuuliki gokafeelema haka, Florian Schott okwati, shika okwali enyanyu enene kuye kokafeelema kawo haka onga oko a keke nokotango ka hogololwa muNamibia, methigathano ndika enene.

Chops Tshoopara, Muhindua Kaura, Joel Haikali, Lize Ehlers, David Ndjavera na Lynn Strydom oyo yamwe yomaadhani yuunyandwa oonkulungu ya kwathela mokafeelema muka. Okathaanekwa ku Mukenge Kabongo, ngoka asindanene ekopi lyo Namibia Film Award mo2012 nokafeelema ke “Kambadhala”.

Mongashingeyi, Schott okwati, aadhani yokafeelema haka oya uvathana opo ya etepo okafeelema okakwawo okapeepeka kedhina Katutura, hoka keli metifa lyokuthaanekwa, notaka ka ulikilwa aakwashigwana momasiku omashona komeho.

Aadhani aakwawo yagwedhapwo taya kakutha ombinga mokanyandwa haka ongaashi nee Obed Emvula, Odile Müller, Armas Shivute, Bonny Pereko, na David Ndjavera.

Katutura okwa shangwa ku Obed Emvula, okuziilila mehangano lye lyuufeelema, Tulinane Entertainment.

Okafeelema haka ota ka ka ulika uunongo waaNamibia, no ta kadhana onkandangala kiiningwanima mbyoka hayi ningwa esiku kehe molukanda lwaKatutura.


Ku Pinehas Nakaziko

LEAVE A REPLY

Please enter your comment!
Please enter your name here