NFA a talulula ekotampango lye nawa pwaana uupyakadhi

0
217

WINDHOEK: Ehangano lyetanga lyokoompadhi lya Namibia nenge the Namibia Football Association (NFA) mekwathelo lya  FIFA, olutu ndoka halu wilike uudhano wetanga lyokoompadhi muuyuni  olya manitha iilonga yokutalulula ekotampango lyalyo shoka sha ningwa uule womasiku gatatu molupe lwoshigongi iilonga shaningilwa moWindhoek.

Etalululo lyekotampango lya NFA olya ningilwa pohotela ya Safari moWindhoek uule womasiku gatatu ga pitipo. Uuyelele kombinga yoshigongi shika owa tseyithwa kOmuperesidende gwa NFA, John Muinjo. Ngoka a ti etalululo ndika lyekotampango olya ningwa pamautho noshowo ngaashi sha tegelelwa koFIFA, kutya omahangano guudhano wetanga lyokoompadhi ngo geli iilyo yoFIFA omakotampango gago ogena okutsa kumwe naandyoka lyoFIFA nenge ogena okutsa kumwe nomauthoveta goFIFA nomuthika  gwe.

Oshigongi shetalulo lyekotampango osha li mewilikio lyomuperesidende gwa NFA,eli omutse gwokakomiteee kokutalulula ekotampango kiilyo yili 19 mbyoka ya za mwaamboka haya unganeke uudhano wetanga lyokoompadhi moshilongo ashihe.

“Ongo ehangano nosho pathaneko lya FIFA otwa ithana oshigongi shika opo tu nkondopeke ekotampango lyetu.Oshinima shika otwa li tu wete sha li shina okukala shaningwa nale nookuli.Ngashingeyi otatu tameke oonkundathana naayehe mboka yena mosha momalongekidho guudhano wetanga lyokoompadhi oshilongo ashihe okuya pa ethano lyomalunduluko ga thanekwa mekotampango opo mbaka ya tye ko sha kugo opo konima yaashika ngaka otaga ka tulwa komeho goshigongi oshinene sha NFAopo ga tokolwe nenge ga tulwe miilonga noku ninga oshitopolwa shekotampango lya lundululwa. Onkatu yotango otwe yi katuka ngashingeyi otwa tegelela oku ya komeho naandjoka ya landulako,’ Muinjo a ti.

Osheendo sha FIFA osha li mewiliko lya James Johnson, omuwiliki gwiipambele yiilyohangano yoFIFA,eende pamwe na , Alexander Gros, Salome Stahli a za koshikondo shooveta sha FIFA noshowo omunambelewa gwomapendulopo gwaFIFA moshitopolwa shika ngoka eli mo Botswana,  Ashford Mamelodi.

Pahapu dha  Mamelodi oNFA ngashingeyi  oyeenda ondjila onde na otayi tsikile nokukoka noshilongadhalwa shika  osho tashi ulike kutya NFA ota yi komeho.

“Onga FIFA, tse otuuvite nawa nomukalo gwetalululo ndyoka lya ningwa kuNFA. Olyeende nawa na otwa itaala kutya  okupitila mulyo NFA ota ka ninga olutu lwa kola ndoka talu ka tungapo ewiliko  ewanawa ndyoka tali ka fala uudhano wetanga lyokoompadhi komeho nelalakano enene,” osho Mamelodi a ti.

Mamelodi okwa gwedha ko a ti elalakano enene lyokutalulula olya li okutulamo omikalo dhayooloka dhoFIFA mekotampango lya NFA oshowo oontokolwa dhoFIFA ndhoka dha li dha ningwa pokongressa ya ningilwe moMauritius omumvo gwa yi.

Amushanga ndjayi gwa NFA, Barry Rukoro okwa ti  ondjila ya NFA okuuka komeho oyo oku tulapo elandulathano lyiigongi yokutoplelathana oshizemo shetalululo lyekotampango naawiliki noshowo naaunganeki yetanga lyokoompadhi ayehe moshilongo.Opo omathaneko ga hugunina ga ka tulwe komeho yokongressa ya FIFA mu November nuumvo.

“ Ongo ehangano lyetanga lyokoompadhi tse otuna oku kala tuuka komeho nokutula miilonga omikalo tadhi tulako ongushu nokweeta ekotampango lya NFA pomuthika gwa FIFA nooveta dhe.Ondi itaala itatu yi mepuko noku ninga ngaaka otashi tu fala ponkatu ombwanawa oku fala uudhano mbuka uuwanawa koshigwana.,’ Rukoro a ti.

Ku Otniel Hembapu

LEAVE A REPLY

Please enter your comment!
Please enter your name here