Omupolisi mohofa sho a pula ombumbo

0
220

WINDHOEK – Petrus Mbangula, omunambelewa gwopolisi moshikondo shokukonakona omiyonena  mopolisi ya Namibia okwa holoka mOmpangu yaMengestrata Omaandaha ta tamanekelwa oku indila omufekelwa iimaliwa opo a aniwa kanithe oshipotha shomufekelwa ngoka.

Mbangula, omunamimvo 38 ina pulwa a tye sha , ihe okwa li a tseyithilwa uuthemba we woku ikongela omupopiliko gwopaveta, na okwa lombwele Mengestrata Tuvoye Nuule kutya ye ota ka konga omunaveta gwopaumwene ngoka te ke mu popila momatamaneko ngaka.

Epangelo ota li  tamaneke Mbangula kutya okwa li a kambadhala okupula afutwe komufekelwa ombumbo yiimaliwa yithike po N$4 000. Uuyelele mboka wulipo ina wiihwapo nawa, otau  ti kutya Mbangula okwa yile kegumbo lyomufekelwa gwontumba noku mu lombwela kutya ota ka yonagulapo epeko lye nenge ota ka ningapo sha opo omufekelwa ngoka kaa tsikile noku landulwa noku tamanekelwa oshipotha shoka a li ta tamanekelwa.

Omufekelwa okwa tseyithile opolisi kombinga yoshinima shika, kutya Mbangula ote mu thina iimaliwa opo a kanithe oshipotha she. Mbangula okwa tegelwa omwigo, niimaliwa ya tulwa omandhindhiliko. Okwa li a kwatwa momasiku January 11, nuumvo  konima yoku pewa iimaliwa komufekelwa ngoka inaa popiwa kedhina. Oshipotha she osha undulilwa komasiku February 13 na okwa pewa iifutilemo oodola eyovi limwe.

Omupanguli Nuule okwiikuthamo mokupulakena iihokolola mbika shoka Mbangula omukwanezimo gwe. Okwa indile omweeti gwiipotha  Elina Hashipara opo a tumine oshipotha shoka kohofa yilwe.

Oshipotha otashi ka pulakenwa mompangulilo yaC  uuna Mbangula ta ka holoka ishewe mompangu. Oonkambadhala oku thaneka Mbangula odha ponyo oshoka ookuume ke nenge aakwanezimo lye oye musiikilile omanga gumwe gwawo okwa ningile omatilitho omutoolinkundana kutya shoka eyono lyuuthemba womuntu okuthaneka Mbangula.

Okwa tilitha kutya ota ka nyenyeta kewiliko lyoNew Era ngele oshinima shika osha holoka moshifo.

Ku Roland Routh

LEAVE A REPLY

Please enter your comment!
Please enter your name here