Omvula ya teyagula omagumbo mOndangwa

0
285

ONDANGWA – Konima ashike yomasiku ga pitipo , sho aakalimo yomiitopolwa unene yomOwambo yakala ya limbililwa noya teka omukumo molwa omvula sho ya kala ethimbo  itaayi loko, oshiwike shika oya tameke ihe oku loka.  

Momasiku 14 January aakalimo yomondoolopa yaNdangwa oya dhengwa unene pomitima komvula nombepo ndjono ya loko mondoolopa oyo tuu ndjika nokiitopolwa yimwe yimwe yomomikunda dhili popepi. Omvula nombepo ondhigu oya teyagula nokuhanagulapo omagumbo,omatungo oshowo omiti odhindji mondoolopa ndjika odha tekapo  nadhimwe dha dhikulwamo ashike nomidhi dhadho,Nonando kuna eyele haliti omvula ihayi loko shiyi.

Meme Katrina Tomas Kanyolo omukalimo gomOndjondjo okuli gumwe gwomaakalimo yaNdangwa mbono ya monithwa iihuna komvula. Okwa hololele Oshifo shetu tati okuli adhengwa pomutima unene tuu sho iipeleki yegumbo lye ya guko etayi ka umbilwa mopate kokule negumbo lye nongaashingeyi oya thigwa ngaa nee pomutenya oshoka oya thigilwapo owala ekuma, ta holola kutya okwa kanitha oshindji oshoka iinima ye mbyo yali megumbo oya lokwa nayi  ye pethimbo omvula tayi loko ka limo megumbo okweya ashike a adhe iihuna mbi ya longwa.

Pahapu  dhe otati ota pandula Kalunga oshoka megumbo lye omo tuu muka inamu monena nande  omuntu oshiponga nonande a kanitha oshindji ota holola kutya iilonga ya Kalunga mwene ye kena ngu ta vulu oku pangula nokupula. Meme nguno okwa holola kutya okuli a taambako shoka a ningilwa kena shoka ena we ku ninga sha longwa shapwa ngaa nee.

Kanyolo ta gwedhako kutya okuli apumbwa ekwatho molwa oshinima shika ta indile ngoka ta vulu emu kwathe opo a ninge ekwatathano naye konomola yongodhi ndji  0812100399, ‘’otandi ka taambako omayambidhidho geni aaholike’’ ta ti nga.

Ku Maria Namupala 

LEAVE A REPLY

Please enter your comment!
Please enter your name here