Emboboloko lovanafikola vokomikunda meefikola domeedoolopa moshitukulwa shaShana

0
266

OSHAKATI – Ovadali vahapu ova shangifa ovana meendodo oPre-Primary, ondodo -1, onhi -8 nonhi -11 meefikola domeedoolopa moshitukulwa shaShana . Eishangifo letambulo ola tameka muJuni fiyo omuSeptember 2013. Edi, oda tumbulwa komuwiliki wehongo moshitukulwa shaShana Dute Shinyemba.

Shinyemba ta ti, ovadali ove na omaliudo a yooloka ve udite meefikola domeedoolopa ehongo oli na vali ongushu li dule keefikola dokomikunda. Ta tofa mo Oshakati West oko vahapu va eta ounona nande oi na ashike eendodo okudja petameko kate opondodo onhi-7. Dimwe domeefikola moshitukulwa shaShana da tambula ovahongwa, mOngwediva ovahongwa 470, pOkandjengedi pa wedwa eengulu dipe opa wedwa ovahongwa 38,ashike fiyo ongula yEtitatu ovadali vaniingholi va eta ounona kofikola. Epangelo ola longekida eenhele dili 2700 moshitukulwa, mwa tambulwa ovahongwa 2558,mondodo onhi -11, ovahongwa 1886 vomwaavo va tumbulwa ova li moipundi omanga 201 va dja moNAMCOL, ovahongwa 470 ova dja koitukulwa imwe. Vahapu kave li momihandjo molw’ofina momihandjo.

Shinyemba ta weda po kutya, natango moshitukulwa omu na eenhele dondodo onhi-11 inadi yadekwa 142 tadi monika ngaashi kosekundofikola yaAndimba Toivo yaToivo oku na 4, nokosekundo Nangolo di li mOluno, kosekundofikola yaIpumbu mOshakati oshoyo koMweshipandeka mOngwediva, kakele inadi kwatela mo omihandjo. Ovanafikola otava dulu ku tambulwa ngee elongekido la ningwa okudja koitukulwa oko tava di, ndele havo vene ve na ku ninga elongekido letambulo koohandimwe.

Kombinga yembobolokelo meefikola domeedoolopa okwa kumaida ovadali vaha fuuke ashike ku tuma ounona keefikola domeendoolopa vehe na efiloshisho, molwaashi ewiliko lehongo ola mona kutya, vamwe vomounona meedoolopa ove li moubashu navakwao pehe na ovakulunhu, sha nyika oshiponga kounona vanini va pumbwa efiloshisho. Ta lombwele ovadali va tekulile ounona omikalo momaumbo, shaashi oshikondo shehongo osha didilika omukundu wounona meedoolopa itava dulika tava nu omalodu noingangamifi shi li oupyakadi konakwiiwa yoshiwana. Omuwiliki wehongo moshitukulwa shaShana okwa yandja omhito kwaavo va li va tambulwa ndee inave ya, ta ti okwe va teelela fiyo omo-17 Januali nopeenhele davo otapa nangekwa ava tava kongo etambulo.

Komutoolinghundana

 

LEAVE A REPLY

Please enter your comment!
Please enter your name here