Oitukulwa ihapu kolundume loshilongo ya mona omata odula

0
186

OSHAKATI – Oule woivike i dule pu-3 oshiwana osha kala nomalimbililo sha tila pamwe oluteni la denga Namibia odula ya dja ko, tali ifola noneudo. Eshi odula ya temuna lwopexulilo lomudo 2013, oya twikila kumbodolela koitukulwa imwe po ngaashi shaZambezi nombinga imwe yaKavango oko vamwe va yelulwa. Moitukulwa yolundume omo ovalilimapya vahapu hava xupu momahangu nomounaimuna, ova hangwa va limbililwa unene. Okamwiidi ka menekelwe koihomo yotete, ka liwa po oxuluxulu koikumba ya tupuka moluteni.

Oyana, eendobe, nomakango oya hangwa ya pwiinina keembinga dimwe doshilongo oko omingheke dimwe da hangwa da ka, ovanhu ova tameka kudidilila vali. Imwe yomoikumba ya fyuuka po vali eshi oluteni la totolola. Ovanaimuna keembinga oko ina kweenda ominino yomeva ova tameka nexwiilo loimuna.

Ashike ketumbulo lomukulu wonale kutya Edina layo”OTAIYA” oko ngoo ve ikolelela. Oitukulwa i-4 kolundume lwoshilongo, Oshikoto, Ohangwena, Oshana nOmusati, Etine fiyo ongula yEtitano oya mona omata mawa.
Vamwe va hangika va kwayanga nomatemo, vamwe va patela shaashi eenhani noundongi vali hava pulula, va twaalelwa koluteni loudwaali. Ovalimimapya vamwe va li nokamumeno momapya, ka langatifwa po komutenya. Apa naapenya oshiwana osha kuwaana omumbwe yeembakumbaku, ashike ovo va kwayangele pokati opo noulya va li tava hale kukukuta po, konima yomata odula ova nyumuka po.
Moyana, momakango nomeendobe paife omwa talama omeva, kakele koimuna ei ya kumbalala unene , natango ota yoombaomba moyana omo opo tamu twiyuka okamwiidi, imwe otai litadeke nokutavakana momeva male.

“Oye tu etela oikulya, ovanamapya otava limi, ava tu li momalukanda ngaashi ame onde li teteka kukwata eeshi da tauka momatale” Meme Julia Johannes omukalimo womOshakati ta pushula eeshi ta ti. Mafiku aa oshipala sheulu otashi li memesha.

Komutoolinghundana

LEAVE A REPLY

Please enter your comment!
Please enter your name here