Okau Kamasheshe Annual Football Tournament

0
333

ONGWEDIVA – Osipana yoNew Start natango oyo enyakwa muudhano wokomumvo woKau Kamasheshe mboka wa liko momasiku Desemba 23 sigo 24, 2013 pokapale pOkau .
Osipana yoNew Start otayi tsikile natango okugandja okatoma koosipana oonkwawo konima sho yasindanapo uudhano wazi nokutumbulwa metetekelo. Nonando omakondombolo ogali taga li ehete, oosipana ndhoka dha kuthile ombinga methigathano ndika odhali dhu ulikilwa komutse gwondjamba ko New Start. Konyala oosipana dhithike po 15 odhali dha kutha ombinga muudhano mbuka wali wa kwata omasiku geli gaali.

New Start oyali yeshipondola ishewe okusindanapo uudhano mbuka sho yadhengemo Kapokosha noopenaleti ndatu mumbali konima sho yi ithigi othika onola monola mokapale, nokuninga omusindani guudhano mbuka oshikando oshititatu momvula ndatu dhalandulathana. New Start okwa sindana po ekopi nokapandi N$ 4000, Kapokosha ngoka eya pehala etiyali okwa mono N$2000. Pehala etitatu opweya Manchester ngoka a pewa okapandi kethike po N$1200, omanga pehala etine opweya Osipana yoInter ndjono yahekelekwa nokapandi ko N$ 800.

Omukwateli komeho gwuudhano mbuka Iindileni Iipinge okwati elalakano lyuudhano mbuka, okupendula po omaudhano kiitopolwa unene tuu yokomikunda mbyoka olundji hayi liwa oshipungo ngele otashiya pomaudhano, nokugandja ohokwe maagundjuka yakuthe ombinga momaudhano nokuulika italenti yawo. Indileni ta tsikileko natango tati oya hala ya kuthe aagundjuka moondingosho yo ya yande elongitho nayi lyiikolitha nliingangamithi. Okwati uudhano owa enda nawa nowali mombepo yuumwainathana,

Indileni tati olupandu naluye ku Nalitye Angolo, Peter Iiyambo, Japuleni Angolo, Thomas Iipinge, Aune Keendjele, Hofnie Mutota, Ewiliko lyo Kambwa Trading cc noshowo Kafo Kape Trading cc. Okwagandja ekwashilipaleko kutya uudhano mbuka otau ka galuka ishewe nokehulilo lyomomvula ndjika yo 2014.

LEAVE A REPLY

Please enter your comment!
Please enter your name here