Omaumbo a-3 modoolopa yaNgwediva a dengwa koluvadi

0
206

ONGWEDIVA – Oitukulwa kolundume loshilongo Omusati, Oshikoto, Ohangwena nOshana ongula yeti-17 Januali 2014, oya lokwa odula ya twila mumwe neembadi da denga omaumbo a-3 poshikando .

Jan Bester womodoolopa yaNgwediva, a hangwa opo va fiki moilonga nomukulukadi nokuyakula ongodi ya dja komunailonga keumbo kutya keumbo kwa holoka oshiponga. Mokufika pamwe nookaume, ova hanga “oPine tree” omuti wa xwandaulwa koluvadi la pitila pombada tali mbaduka lwopoluputa. Okakefa kolusheno leumbo okatatuka, omakende a-7, ouprecast voluumbo, odalate yolusheno, eeTv 2, Dstv Decorder ,oAlarm, ongodi yomeumbo nekende lomuvelo aishe oya tatuka. Ounona vavo va-2 nomunailonga inava mona oshiponga. Bester ta ti, ekanifo otali tengenekelwa pomayovi N$50 000.

Mepakumo leisho, oluvadi ola denga vali eumbo lamushiinda umwe la tatuka ekende nolaRebecca Junias ou a li aeke meumbo. Junias ta hokolola kutya: ”Onda uda omundundumo wakula ndafa nda dengwa komatwi . Onda uda edimba lomwifi tali anduka meumbo nopondje”. Oluvadi ola xwika oukefa va-2 volusheno , oilongifo aishe yoikwamalusheno noyomakwatafano oya pya, oInternet, ongodi, oAlarm, Motor gate, eecomputer 2 neemonitor dado, oCCTV monitor, eeAir conditioner noPrinter.

Mokukonga omauyelele kovashiivinawa , okwa mona kutya okwa pumbwa ku weda mo lightining arrest, oearth ground,e na ku longifa eengodi dolusheno meumbo di na okamundilo katilyana ka amene oikwamalusheno iha pye ngee oluvadi ola shela. Omahangano aeshe e n’omakwatafano naai ya nyonauka ota ti otaa kwata efimbo, nokwa tila pamwe oluvadi tali lifola po vali, okwa landa oilongifo ya pya mo. Ota ti: ”Ekanifo otali tengenekwa li li pomayuvi N$ 60 000”. Okwa ndungika keshe ou e na eumbo a fye oshisho li kale noyaamenifo ngaayi ya pya meumbo laye okuyepa oiponga ta lombwele ova twiki vomiti va twike omiti edi inadi nyika oshiponga.
Komutoolinghundana

LEAVE A REPLY

Please enter your comment!
Please enter your name here