Omukulupe ta monithwa iihuna komusamane gwe

0
547

ONDANGWA – Omukulupe gwoomvula omi 77 gwomOmukunda Oniimwandi mOshikandjihogololo Olukonda ota monithwa iihuna komusamane gwe oshowo komwanakadhona.

Nonande epangelo tali igidha opo omahepeko go momagumbo ga hule yamwe oye wete kutya kuyo emanepo lyethimbo nonkee oya tsikila natango oku hepeka aanamagumbo yawo.
Omukulupe Helena Shikongo oye gumwe gwomaahokanwa mbono taya monithwa iihuna kaasamane yawo. Okwa tseyitha ngeyi kutya okwa monithwa iihuna komusamane oshowo ko kamonakadhona pehulilo lyomvula ya ziko, Tati okwa dhengwa nayi no ngashingeyi omeho ge i ha ga mono ko okuli a ninga omukwatwaketi, ta ti okuna oshiti meho shono sha kala mo sho ali a dhengwa nayi eta tekele oshiti meho lye, sho osho she mu etele uuposi mbuka.

Kuku Gwashikongo tati megumbo oku li mo ashike nokatekulu ke kamwe hono oko ha ke mu kwathele no ha ke mu kwata keti uuna ka zimbuka kosikola.Omusamane gwe okwa thigi po egumbo sho e mu monitha iihuna ngeyika paife kena nkene ta longo epya ku ye mwene oshoka okwa tsika ye ke na we oonkondo.

Okwa holola kutya okwali a pewa ombaapila kOshipangelo ando e yi fale ku mwene gwomukunda oshowo ku Kansela gOshikandjohogololo shawo, ashike shino osha hulile muunyengwi oshoka ombaapila oya ya kwa po komwanakadhona, na keshi we mpoka ta tameke. Okuna ehalo opo oshiti sho shili meho lye shi kakuthwemo.Tati ota kambadhala a shuneko kOshipangelo ye a ka mone ishewe ekwatho.
Ta indile omusamane gwe mpoka eli opo a kale a galukila kegumbo ye a longe epya oshoka ka pu nawe ngo teli pukulula.Ye a ninga ngaa nee omunkundi ngashingeyi.

Ku Maria Namupala

LEAVE A REPLY

Please enter your comment!
Please enter your name here