Uudhano wekopi lya Bidvest Namibia otaw

0
250

WINDHOEK – Enyakwa lyuudhano wekopi lyolutu lwetanga lyookompadhi lwa Namibia nenge NFA , African Stars otaka dhana nosipana onkwawo ndjoka yili mopremier liga yedhina Eleven Arrows mokugamena esindano lyekopi ndyoka a sindanene omumvo gwayi lya Bidvest Namibia Cup. Uudhano mbuka otawu dhanwa koosipana adhihe kumwe omilongo 32. Natango mbuka woosipana ndhika mbali inaku tumbulwa kutya otawu ka dhanenwa peni moshiwike shotango sha February.

Uudhano uukwawo molwekopi olyo tuu ndika otawu kala pokati ka , Civics ngoka ta ka kondjitha osipana ndjoka oyo yili komutse gwoliha ya Namibia omumvo guudhano nguka oTigers muudhano mboka wa tegelelwa wu ka kale uuwanawa petameko lyuudhano okukondjela opreisa ndjoka onene mondjokona yetanga lyokoompadhi sigo oompaka.

Sho oospana adhihe oonene moKatutura itaadhi ka tsakanena mbala ayehe oya tala kutya enyakwa muudhano mbuka African Stars ote ke shi enditha ngiini petameko lyawo opamwe nosipana yokomunkulofuta. African Stars ota ka dhana medhingoloko lyopetameko muudhano wekopi lyomanyakwa moAfrica wo CAF Confederation Cup ta ka kondjitha osipana yoko Angola, Pedro de Atletico.
Omaudhano goStars na Black Africa mekopi lyoBidvest Cup otaga ka lundululwa oku ka dhanwa mokati kaFebruary opo mbuka waa ipume mumwe nomaudhano ngoka goCAF.
Oospana yoTigers naandjoka yoCivics odha sindanapo nale ekopi ndika miikando yazako ndele pethimbo ndika sho aamati yomoShadumbala taya dhana nawa, oya talika yena ompito ombwaanawa okusindanapo ekopi ndika nuumvo , sha landula sho ye li sindanene nale poompito dhili mbali yafa naanaa osipana ndjoka yo Civics nayo ye li sindana iikando iyali.Ndjika oya dhana woo kofinala yekopi ndika iikando oyindji okuyeleka noosipana dhilwe okuza nkene oshilongo shamangulukile.

Oospana adhihe ndhoka dhili mopremier liga odha li dha fudha nawa konima sho dha pewa oospana oompu pethimbo lyodraw ndjoka ya ningilwa mehala hali ithanwa Supporters Club muumbugantu waWindhoek oshiwike shika.Oosipana ndhika odha pewa oospana oompu dhili kooliga dhopevi nongeyi odhina ompito okuya kedhingoloko lyoosipana 16.

FNB Orlando Pirates ota ka dhana nomusindani gwokoshitopolwa Oshana ospana ompe omanga United Stars ota ka dhana nomusindani gwoko North West ye LHU Blue Waters ota dhana na Julihno.
Tura Magic ota ka dhana nospana osindani yokOshana , PC Blue Boys ota ka dhana nospana ndjoka ya sindana koshitopolwa Omaheke, Rundu Chiefs ota ka dhana nomusindani gwomoshitopolwa Oshikoto, na Ramblers ota dhana nomusindani gwomoshitopolwa Omusati.
Black Africa ota ka dhana na Cuca Tops ospana ya nathangwa na okwa tegelelwa a pite nuupu oku ya kedhingoloko lyoospana 16 pwaana mbudhi.
Chief Santos oye a sindana ekopi ndika iikando oyindji nomasindano gane, ta landulwa ko Stars, BA na Pirates nomasindano gatatu omanga Blue Waters, Eleven Arrows na Ramblers kehe gumwe okwa sindana ndika lumwe aluke.

NFA Honorary President, Dr Korbinian Viscaya Amutenya, sho apopi pehala lyomuperesidende gwa NFA John Muinjo, okwa ti oNFA, oyuuvite nawa molwelongelokumwe ndika na Bidvest Namibia na oya tegelela onakuyiwa yatya ngeyi yi tsikile mombepo ndjika.
Ekopi lya Bidvest Cup oha li gandja oompito koospana adhihe moshilongo kutya oondhoka dhopaithano nenge oondhoka dhoamateur dhi inike komakombo naandhoka dhili pombanda nenge pevi muudhano wetanga lyokoomopadhi moshilongo.

Omumvogu uudhano wa hugunina owa dhanenwe koAfrican Stars na Mighty Gunners.Nonuumvo aatali yuudhano mbuka oya tegelela oku tala kutya olye ta sindana po mbuka.
Uudhano otawu ka dhanenwa momahala ga yooloka oshilongo ashihe, pahapu dhomunambelewa pitithi gwa BidvestNamibia, Sebby Kankondi shika otashi fala uudhano wetanga kaantu ya Namibia ye hole okatanga kokoompadhi.
Opreisa yonuumvo oya londo pombanda noodola omayovi 100 000 sho omusindano ta ka ya netata lyomiliona kokutya oodola N$ 560 000 ngoka a dhengwa kofinala ota ka pewa oodola omayovi N$220 000 omanga omutitatu otayi kegumbo nooN$115 000.

Oospana otadhi ka dhana ngeyi momaudhano agehe omilongo 32 :
Runner up SSFD vs Kunene, Tigers vs Civics, Julinho vs Blue Waters, United Stars vs NWFD Winners, Oshana vs Tura Magic, Omaheke vs PC Blue Boys, Winner of SSFD vs
NWFD Runner up, Eleven Arrows vs African Stars, FNB Orlando Pirates vs Ohangwena,
Rundu Chiefs vs Oshikoto,
Hardap Region vs Otjozondjupa, Ramblers vs Omusati, Erongo vs Kavango 2, Black Africa vs Cuca Tops, Zambezi vs Karas and Kavango 1 vs Khomas.

 

Ku Carlos Kambaekwa

LEAVE A REPLY

Please enter your comment!
Please enter your name here