Ya tameke niilonga yawo yokomumvo

0
216
Ya tameke niilonga yawo yokomumvo

ONYAANYA – Konima ashike yomasiku sho iilyo yoka komitiye kelilepo ehumokomeho momikunda ano (CDC) mOshikandjohogololo Onyaanya yali yayi mokafudho okashonalela oyali ya tameke natango iilonga yawo yo komumvo.

Momasiku sho gali 17 Januari 2014 okakomitiye haka okali ka ithanwa ku Kansela gwawo opo ya tameke iilonga yawo ngaashi shito.
Pethimbo ta popi peithano ndino Kansela gwOshikandjohogololo Onyaanya Henock Kankoshi okwa pandula sho ayehe yomookomitiye dhe ya holoka nawa,no ku ya indila ya longe nomukumo ngaashi haya longo shito . Elalakano okwii kunda ashike ehumokomeho mOnyaanya. Moshiithanene muno oyali yiikundu iinima ya yoolokathana mbyono ya pamba Oshikandjohogololo shawo.

Kankoshi okwa holola kutya oyi ipyakidhila okuhedhitha omauwanawa koshigwana, ta ulike kutya ohaya gandja iikulya yoshikukuta kaakwashigwana, otaya andjakaneke omeya kOmikunda ngaashi Oshitopolwa sho kOnambeke shono shakala tashi lili molwa ompumbwe yomeya komukunda hoka tati otaya mono omeya ngaashingeyi inaya kala momalimbililo. Ta tsikileko tati ombelewa ye oya uva omakemo gawo.
Okwa gwedhako woo kutya natango otaya gandja omalusheno koosikola mOshikandjohogololo ngaashi Okahanya noshowo Ethikilo. Okwatsu omukumo opo aantu ayehe ye kiishangithile molowomahogololo ngono ge li metifa ta ti naya kale ya manguluka.

Kankoshi ta indile ookomitiye ndhika dhi ka longe nomukumo , yo ya yakule aakwashigwana nondjungu yo ya ete omakemo gawo ku Kansela, nuudhigu kehe tawu ka holokapo nawu etwe kOmbelewa wowu kandulwe po pethimbo lyoopala. Te ya halele omukumo no mumvo omupe guna elago no gwa yambekwa.

Ku Maria Namupala

LEAVE A REPLY

Please enter your comment!
Please enter your name here