Aayelele nayo oya hala kuza konima yesiga

0
236

OMUNDAUNGILO – Moshilongo shetu omuna omihoko odhindji dha yoolokathana, nonande  shili oshilingo sha manguluka oyendji oye wete natango yeli methimbo lyuukoloni oshoka  ngaashi aaayelele oya tali kako onga aantu yaana oshilonga.

Konyala aakwashigwana oyendji oyeli taya kambadhala oku ningasha ku yoyene.  Momukunda oHauwanga mOshikandjohogololo Omundaungilo omuna ongundu aayelele mbono haya gongala unene okukundathana onkalo yayo. Ongundu  ndjino oya totwapo mo 2008, yina aantu yeli lopo 30 ano aayelele owala. Ohayi ithanwa Nandjuwo Cultural Group.

Elalakano lyongundu ndjino  oku yambulapo owala onkalo yawo, aayelele mbano ohaya hongo iini, iiyuma oshowo iihongomwa yomuthigululwakalo gwawo. Aayelele mbano otaya hupu nuudhigu oshoka ohaya kala owala momuthitu , mo omo nee ya ninga omatsali gawo ashike kapuna egameno lyasha.  Gumwe  gomuyo okwa holola kutya oyeli taya mono iihuna uunene ngaa pethimbo lyomvula oshoka omatsali gawo oha pepwapo kombepo, yo otaya hupu nuudhigu ngele tashiya kiikulya nonande haya mono oshikukuta itashi ya gwana. Ta holola woo kutya oyena onkayi ano kayena iizalomwa.

Ngono eli omuunganeki gwawo ano Saltiel Nampala okwa holola kutya okwa kwatwa kedhiladhilo ndino opo a totepo ongundu ndjino mo2008, sho a tala onkalo yaayelele momukunda ngo. Ye a vule eya hedhithe popepi noshigwana. Okwa tsikileko tati ohaya dhana woo iinyandwa niidhano yopamuthigululwakalo, ngaashi mo 2009 oya ka dhanene ko Rundu omanga mo 2010  ya ka dhanene kOshituthi shomuthigululwakalo shokomumvo kOshakati. Shino ohashi yatsu omukumo  opo ya kale yii tula mwaasho ta ya lonngo.

Nampala ta holola kutya ota longo nuudhigu, oshoka aayelele mbaka konyala inaya mona Elongo ano kayeshi kulesha onkeene oshemu dhigupalela noonkondo. Okwati nonande kuna oLiteracy okwa indile opo Epangelo li pe aayelele mbaka yomoHauwanga elongo lyaakuluntu yo ya vule ku tseya ku lesha ngaashi aantu aakwawo.


Ku Maria Namupala

LEAVE A REPLY

Please enter your comment!
Please enter your name here