Blossom na Indikupapatele

0
362

WINDHOEK-Ruusa Ndapewa Munalye a tseyika nawa moongalo nedhina Blossom onkene teshi enditha nawa moalubuma ye ompe, tayi  ithanwa Indikupapatele. Blossom omvalele yomOndangwa, nokwayambukile monooli yoshilongo, moshitopolwa shaOshikoto. Okwa kala oomvula dhaadha pomulongo (10) mehangano lyoongalo, moka a kala taningi edhina lye onga omuhikingalo dhingi. Oludhi lwoongalo ndhoka hadhi imbwa  ku Blossom ongaashi nee oongalo dhopambepo, Afro Pop no RnB. Okwa tamekele nokwiimba kwe okuza mo2008, nokwa pitithile oalubuma ye yotango tayi ithanwa “kOmuthima Gwomeya”, pokati komvula o2012.

Komuthima Gwomeya oyo oalubuma ndjoka yali ombwaanawa noonkondo adhihe noye mumonithile omapapa, niihako oyindji unene tuu methigathano lyokomvula lyaahikingalo aaNamibia dhingi, ano oNamas. Limwe lyo mo mapapa ga Blossom oondyoka ali a u likwa onga omuhikingalo omukiintu omuNamibia  dhingi 2013.

 

Pehulilo lyo 2013, Blossom okwa pititha ishewe oalubuma ye ontiyali tayi ithanwa Indikupapatele,ndjoka yina ehwata lyuungalo omulongo nuutatu (13) no ye mutula ponkatu yopombanda lela, molwa aayambidhidhi ye mboka ya kala noku yi landa shimwe to nyengwa. Moalubuma muka ota kwathelwa kuThe Dogg, Jurgen Brand, Leyden Gariseb naRodrique Ntsika.

“Indikupapatele oalubuma ndjoka tayi popi kombinga yo hole, omahepeko haga ningilwa aakiintu  naanona, nota yi longo aakwashigwana nkene yena okwiigamena nokwiikeelela  komikithi ngaashi oAIDS,” Blossom tati ngaaka.

Moalubuma muno ota mu monika nee ngashi okangalo ko tango, ta kati Tangi Meme. Okwa ti nee okangalo haka ota ke mudhimbulikutha sho a li omushona, noku ayihe nzoka a li a ningilwa ku yina.

Tilila okuli ponomola ontiyali no ta galikana Omumwa opo a tilile ombepo ye, unene tuu maagundjuka yepipi lyongashingeyi, mboka ihaa ya vulika.

“Kamwe taka nywitha omakutsi ongaashi nee Indikupapatele, hoka taka popi kombinga yohole. Okati Okati, okangalo koKizomba, hoka kena omulyo omutoye lela. Aayambidhidhi yandje oye hole okangalo haka noya kala noku kapula kadhanwe kooRadio dhomoshilongo,” Blossom tati.

 

Ku Pinehas Nakaziko

LEAVE A REPLY

Please enter your comment!
Please enter your name here