Etsokumweuvathano mokupendulapo ethigululwahala lyaMandongo osho lya tulwa miilonga

0
266

ONIIPA –  Momaandaha gomasiku 27 Januari pombelewangerki yaELCIN pOniipa opwa ningwa oshiningwanima sha simana, sho pwa adhika etsokumwe opo ependulopo lyehalatumo lyaMandongo liye miilonga.

Oshituthi shika oshali sha kalwa kaayenda oyendji mono mwa kwatelwa Omusamane Hosea Nampala omugandjimayele gwangoloneya ya Shikoto, Erika Ndalikokule go (NHC), Omundohotola  Iyambo Indongo gwokOmandongo, aasita momagongalo gaELCIN oshowo osheendo okuziilila kOnayena.

Etsokumwe opo ethigululwahala lyaMandongo li pendulwepo noku humithwa komeho pamuthika gwomatalelopo, olya ningwa pokati kongerki Onkwaevangeli oaLuther yomuNamibia (ELCIN), Omandongo Community Trust, Elelo lyoshitopolwa shaShikoto oshowo Elelo lyoNdonga. Shika osha ningwa pakushaina  Ekotampango ndyoka lya longekidhwa kokangunduwiliki komuhanga ka thikamapo maantu ya 5, ya kalelapo omahangano nenge iikondo mbyoka ya ningi etsokumwe.

Omukwatakanithi  gwOmandongo Ananias Usiku okwa popi kutya elombwelo opo ku ningwe ekotampango pamukalo gwokuninga euvathanotsokumwe okwali lya pewa omahangano ngoka ga 4, gi itsakidhila nelongekidho lyokupendulapo ehala lyOmandongo ko National Heritage Council of Namibia (NHC). Lyo NHC olyo ehangano lyokukalekapo nokugamena iithigululwanima yopashigwana mo Namibia., na ota li ningi omalongekidho opo ehala lya Mandongo li ningwe ethigululwahala lyopashigwana.

Omundohotola Vaino .V. Nambala okwa gandja ondjokonona yOmandongo okuza ngaa mpa ya tamekela,noku tumbulapo yamwe yomAakwanilwa mElelo lyaNdonga mboka yamwe ya sa nale. Ta gwedha ko kutya elalakano okuyambulapo owala Omission ndjika nokuyi eta pomuthika gwomatalelepo hala ngaashi tu gana moshilongo shetu.

Okangunduwiliki okali ka tulwa miilonga komuwilikimbiisofi gwaELCIN Omundohotola Shekutamba V.V Nambala na okwa thanekwa iilonga yehala ndino yi ka tamekwe ando omvula ta yiya , yo otayi ka pula nee oodola oomilliona omilongo 20. Na pethimbo ndino oya mona po oodola omayovi 30 oku pitila mOmandongo Community Trust  . Tapu thaanekwa nee Omandongo gaye molugumbo,eta mu tulwa ondhimbuluthongeleka, ompungulilo yiikulunima,ehala lyokugongalela, omahalalanditho giilongomwa yopamuthigululwakalo oku tumbulapo ashike yimwe.

Oya holola kutya mongashingeyi oyena ompumbwe yoshimaliwa opo ehala ndika li yambukepo, lyo ehala olyo tuu ndika otali ka eta uuwanawa owundji moshigwana, onkee ngoka wa pumbwa uuyelele nenge wa hala oku yambidhidha sha kOmandongo  oto indilwa wu kwatathane na Ananias Usiku ngono eli Omukwatakanithi ko 0813395369 nenge omusita Wilhelm  Hainane ko 0812587484.

 

Ku Maria Namupala

LEAVE A REPLY

Please enter your comment!
Please enter your name here