Etungo lyongeleka megongalo lya Elcin Onandjamba lya mwenapo

0
216

ONGWEDIVA – Iilonga yokutunga etungo lyongerki epe megongalo lyongeleka ya Elcin  Onandjamba olya mwena po ohaluka. Emwenepo miilonga yokutunga ndika ota ku hokololwa lyeetwa komalundilo kutya aniwa omusita gwegongalo ndyoka okwa halakanithapo iimaliwa mbyoka ya li ya gongelelwa iilonga yetungo ndyoka.

Pamahokololo gonzo ndhoka inaadhi hala okwiipopya komadhina aakwanegongalo mwakwatelwa naanangeshefa  momudhingoloko gwaKalongo oya li meipyakidhilo ndika lyetungo epe lyongeleka yegongalo lyawo ndyoka lya tamekele konyala omimvo mbali dhapitipo.Oonkundathana kombinga yetungo odha li tadhi pula ngele Egongalo olya pumbwa okutunga etungo epe nenge ota li opalekulula etungo lyongelki ndyoka lilpo nale lya kulupa noonkondo.

Egongalo olya li lya tokola kutya oshiwaanawa osho okutunga etungo epe lyongeleka pOkalongo, oshoka shika otashi ka yeluthapo omutalelo gwOkalongo.Pethimbo etokolo ndika lya li lya ningwa egongalo olya li hali wilikwa komusitagongalo Elia Nangongo.

Aanangeshefa oya li ya gongelele iilonga yetungo lyegongalo oodola omayovi gomathele N$400 000.

Ndele nee etegameno lyaakwanegongalo okumona omikanka dhetungo lyongeleka ompe tadhi fulwa olya ka gwa pevi sho ohaluka omasiku ngaka iilonga ayihe yokutunga oya mwenapo.Emwenepo miilonga yokutunga ndika olyeetele  oshigwana omapulo ogendji oku yeleka nomayamukulo.

Nonando opena omaulndilo taga ti iimaliwa ya li ya gongelelwa etungo oya longithwa nayi, aainginia mboka taya konakona iilonga mbika oya ti sigo oompaka opwa longithwa oodola omayoyi omilongo  N$60 000.

 

Ku Kakunawe Shinana

LEAVE A REPLY

Please enter your comment!
Please enter your name here