Nikola a ulike uunongo we moBerlin

0
220

WINDHOEK –  Omuhondji goonguwo omuNamibia Nikola Conradie okwa li a ulike uunongo we koshiwike shokuulika iizalomwa moBerlin, shoka sha hulile momasiku 19 Januali nuumvo. Nikola okwa li uulike oonguwo dhe, dhedhina “Love Africa” shono tashiti kala wuhole Afrika, pethimbo lyongulohi yuulalelo wa li wanlongekidhililwa owina moBerlin momasiku sho gali Januali 17.

Oshituthi shika shokuulika oonguwo koshiwike, konyala hashi ningwa kehe omvula moBerlin osha li sha longekidhwa koAfrica Fashion Day Berlin (AFDB), molwa elalakono lyokuulika iihauto yomashete mbyoka opo yakondo naambyoka opo yandulukwa, pamwe noonguwo dhoshiAfrica.

Omundohotola omuNamibia Mekondjo Kaapanda-Girnus, ngoka ha longele moombelewa dhoEmbassy ya Germany okwati, euliko lyiizalomwa mbika moBerlin olya kalela po uuwanawa wokuulika omithigululwakalo noonzo dhaAafrika.

“Aahondji mbaka oya li ishewe ya pewa ompito ya gwana opo ya kwatathane naalandi yawo, naataandelithi yomauyelele miilongo yayooloka,” Kaapanda-Girnus tati.

Oonguwo dhaNikola oondhoka nee dha kwatwako kohole ye nenevi lyAfrika, molwa omalwaala gadho gatsa, naangoka gahondjelwa mumwe. Kaapanda-Girnus okwa ti, oshiwike shika okwali sha sha longekidhilwa owina omvula ndjika opo ku gandjwe ompito kaahondji aAfrika ya kwatathane pamwe naahondji ooyakwawo yokondje yiilongo, moka woo taamono uunongo wopombanda wa yoolokathana, nkene yena okuyambula po Namibia li ye ponkantu yopombanda.

Nikola okwa ti shika okwa li enyanyu kuye okumona aahondji yoonguwo ooyakwayo nokuulika oonguwo dhe kondje yiilongo.

 

Ku Pinehas Nakaziko

LEAVE A REPLY

Please enter your comment!
Please enter your name here