Shaningwa a nyenyetele aaniilonga yo Home Affairs

0
280

OUTAPI – “Elundu olifike peni? Mwa lunduka nee. Omwa tumwa? Ohamu futilwa shike ngele nani inamu hala okulonga omolwuuwanawa waaNamibia. Ngele inamu hala longeleni iinima yeni etamu yi.,” ngoka omatumbulo ga Ngoloneya gwoshitopolwa Omusati Sophia Shaningwa oshiwike shayi kaanambelewa yOshikondo shIikwagumbo mOmusati. Okwe ya lundile kutya yo otaya yi moshipala eyokomeho moshitopolwa mwa kwatelwa nomaishangitho gaahogololi, oshoka aakalimo yomoshitopolwa itaya vulu okwiishangitha oshoka kayena uumutse noombapila dhuukwashigwana.

Okwa gandja ombedhi koshikondo shIikwameni a ti oku wete yamwe taya yi moshipala iilonga yepangelo. Okwa lombwele aanambelewa ya fale elaka kwaamboka taya longo ngaaka kutya naya longele iinima yawo eta ya yi. Otamu tindile aakwashigwana uukwashigwana wawo omanga ne muna uukwashigwana weni, ne weni omwe wu mono ngiini,’Shaningwa ta pula . Okwa ti aantu oyendji oya shunithwa inaaya pewa oombapila dhuukwashigwana noyendji oya lundilwa kutya yo aakwashigwana yAngola. Nonando mboka oyena omishangwa dha za komalelo gopamuthigululwakalo nokomagongalo tadhi koleke kutya mbaka aavalelwamo yomo Namibia. Ngolonea okwa ti onkalamwenyo oya ninga ondhigu unene kaagundjuka mboka itaaya vulu oku mona iimaliwa yokwiilongitha molwaashoka kayena uuthemba wopashigwana.Oothigwa nadho woo odhina uudhigu oku mona omakwatho goshimaliwa okuza kepangelo, aakulupe nayo ita ya vulu okushangwa opo ya kale taya kwata openzela yaakokele.Ayehe mboka itaya vulu okumona omayakulo ngoka omolwa iilonga yaashi iiwanawa tayi longwa kaanambelewa moshikondo shIikwameni anuwa.

“Iilonga yoshikondo shIikwameni mOmusati oya shike? Olye ngoka emu tumu opo mu yonagule iilonga yepangelo? Kutya omuntu ota popi Oshimbadja, Oshikwanyama nenge Oshinkumbi, itashi ti ngoka keshi omuNamibia. Namibia keshi ashike oshilongo shAakwambi, Aambalantu, Aakwaluudhi, Aakolonkadhi naa Aangandjera… ahowe . Ina mu uva ndje ko epuko ngame inandi tya gandjeni omishangwa kAngola ndele ngele owa mono ombapila yamwene gwomukunda nenge yegongalo ta yi ti kutya nguka omvalele ya Namibia nena ino yi pataneka.

Okwa ti ookansela miikandjohogololo otaya longo nuudhigu oshoka oya thiminikwa oku kalelapo aantu omathele opo ya vule okwiishangithila omolwa omahogololo.

 

 

LEAVE A REPLY

Please enter your comment!
Please enter your name here