Ya lulilwa koombepo dha nyata

0
274

ONDANGWA – Ndapewa Eita goomvula 60,omukalimo gwomo Amilema mOshikandjohogolo Omuthiya , okuli muudhigu shota hepekwa kiinima yili megumbo lye.  Oshinima shika osha tamekele Etitano lyaziko.

Pakuhokolola otati okuna uunona uyali ashike awuhe megumbo kawumo, omwana gosheeli okuli kosikola kOvenduka omanga okamwana kokankelo ke okamati keshi mpoka ka kala , megumbo ohaka zimo owala inaa ka laleka eta ke ya thigi momalimbililo. Megumbo okulimo owala nokamwanagona ka valwa komumwainagona.

Eita okwa tumbula kutya oshinima shili megumbo lye oshikumithi na ke shi we shoka ena ku ninga. Ta holola kutya sho yeli megumbo lyawo mono  ohaya uvu owala ewi tali popi nomokupulakena nee anuwa ewi ndyono ohali ti ‘’Ndapewa Eita owuna oku kala wasa nokaana koye ho wuli nako na omuna ku talela ndje nawa’’ tati thimbo limwe ewi ndino oheli yamukula ta pula kutya otasi naanaa koshike ohali mu yamukula woo tali ti otosi oshoka owa dhipagapo limwe lyomomatanga gandje ngono gali omulongo ashike ngashingeyi opuna owala omu 9 , na owuna kusa oshoka oto gwanitha oomvula 60 mu May.

Okwa koleke kutya ye mwene okwa dhipaga eyoka molyomakaya yeli adha mepapaye,ta tsikileko woo tati okanona hono eli nako megumbo oko unene ha ka mono iihuna , ko oko ka mwene omayoka giile ga 7 megumbo omanga yinakulu nguka ali a zamo.Pamathimbo gamwe okanona haka otaka dhengwa unene noonkondo nokena oshilalo shaza mokudhengwa.

Rosalia Simon ngono omushiinda sha Ndapewa Eita naye okwa koleke oshinima shika , ta holola kutya omanga oshinima shika inashi ya megumbo lya Eita osha kala tashiya hepeke megumbo lyawo okuza mo 2007, yena owala onkalo yokupondwa uuna ya kalala nolundji iha ya kotha nande , oshoka oshinima oshitilithi noshikumithi uunene. Okwa ti kutya nonande  yeli muupyakadhi watya ngeyi ota ya tsikile owala nomagalikano, oshoka otaya mono unene iihuna no kayeshi sho ya ninga opo ya adhike kiihuna mbi.

Taya indile aasamaria aanamutimahenda yeya kwathele ongele opambepo oku pitila momagalikano nomu kehe shoka taya vulu noku hoholola kutya oyeli monkugo yina onkambe.  Ngoka a hala ku kwathela aantu mbaka na kwatathane nayo koongodhi ndhi  0816790044 Rosalia nenge ko 0816024455 ndjono oya  Mee Ndapewa.

 

Ku Maria Namupala

LEAVE A REPLY

Please enter your comment!
Please enter your name here