Young Kasi ta ka tseyitha okaMusiki Vidio Nama mUupopo

0
382

ONDANGWA – Ongundu yaa imbi yoongalo dhoKwaito ano oYoung Kasi otayi ka u lika nokutseyitha oka Musiki Video kawo  kedhina Nama, mEtitano ndika Januali 31, mUupopo mOndangwa, poTsunami Bar.

Gumwe po gwomaalongekidhi yoshituthi shika nokuli omwiimbi gwongundu Young Kasi, Da-Silva okwa ti, euliko ndika otali ka kala olyo lyotango kuyo nuumvo, no tali ka kala lya longekidhwa nawa.

“Meuliko ndino omo moka tatu ka thaaneka ishewe okaVidio haka, moka tatu ka kwatela mo aakwashigwana mboka taya ka kala yazala nawa. Otwa tegelela aayambidhi yetu, naaNamibia ayehe koonono mboka yehole oongalo ndhika ya kale ya holoka opo tu nyanyukwe notu tyapule pamwe nayo, tse tuya kwatele ishewe mokangalo ketu haka okapeepeka,” Da-Silva ta ti.

Okwa gwedha po ishewe ta ti kwaambo taya ka holoka naya kale nee ya zala iikutu yomalwaala omatiligane nenge omatokele ashike.

Kaahikingalo ooyakwawo mba taya ka ulika uunongo wawo uusiku mboka ongaashi nee Kasi, Lbht, Bkbz, Unit Squard, Terror Quad, Tripple x, Tembiza, Angels, Chillaz, Golden Chicks, Edlizo Eddy K, Tripple 7 naya kwawo oyendji.

Pomweelo ota pu ka futilwa oodola omulongo nantano (N$ 15). Netseyitho ndika otali tameke pohamano komatango.

 

Ku Pinehas Nakaziko

LEAVE A REPLY

Please enter your comment!
Please enter your name here