Aakatyali natango onkene ta ya mona omauwanawa gEpangelo oku pitila mu Kansela

0
237

ONDANGWA – Konyala sho omahumokomeho taga ende nawa miitopolwa yimwe moshilongo oshowo nomoshikandjohohololo Okatyali ehumokomeho olili pamuthika omuwanawa.

Momasiku sho gali o4 Januari, Kansela gOshikandjohogololo Okatyali  Joseph Mupetami okwa li a ningi oshigongi pamwe naanambelewa ya za kombelewa yoku andjakaneka omeya momikunda oshowo aakalimo yomomukunda Ongenga nelalakana oku tula miilonga noku tameka egandjo lyuundjugo momagumbo gomomukunda ogo tuu ngoka.

Kansela okwali a gandja eigidho opo ayehe mbono ya pumbwa uundjugo yiishangithe na osho ya ningi ngaashingeyi omapulo gawo oga yamukulwa , na okwa shilipaleke kutya konima ashike yomasiku omashona omagumbo 53 gomOngenga otaga ka kala ga tungilwa uundjugo mbala.

Mupetami  ta tseyitha kutya okuna elalakano opo kehe ngoka eli momukunda gwe a kale a tungilwa okandjugo megumbo lye, elalakano oku kalekapo  ashike uuyogoki.

Okwa tsikileko ta indile aanamukunda ya longele kumwe na mwenegomukunda oshowo Kansela ye mwene na uuna pwa holoka sha nashi kale sha thika kombelewa. Ta  gwedhako woo kutya momukunda moka inamu kala enanathano yo na ya longele kumwe opo ya, ya mbulepo oshikandjohogololo shawo.

Monika Shidute ngoka eli Omukwatakanithi mOmbelewa yoku andjakaneka omeya okwa holola kutya egandjo lyuundjugo mbuka kaakwashigwana oku kalekapo ashike uuyogoki noku kalekapo uundjolowele nonkalo nawa momikunda, noku tsteyitha pambelewa kutya etungo lyuundjugo olya ya miilonga.

Aakalimo yomomukunda Ongenga oya li ya nyanyukwa komauwanawa taye ga ningilwa oku pitila mu Kansela gwawo. Kansela okwa tumbula woo kutya mongashingeyi oku na edhiladhilo oku topolela aakulupe yomOshikandjohogololo she omatalashe na oyendji oyi ishangitha nale kombelewa ye.

Ota holola kutya etungo lyuundjugo ota li gandja oompito dhiilonga ongele okwaamba ta ya ka fula iilambo nenge nokwaamba ta ya kwathele aatungi yo ya vule kwiimonena shomondjato.

Esiku olyo tuu ndika Kansela Mupetami okwali eende ta talelepo gamwe gomomahala gomaishangitho gomahogololo noku tala nkene taga ende mOshikandjohogololo she.

Posenda ya  Ashitenga opwali woo pwa ningwa omaikonakonitho goshali mpono Kansela oye ali ega waimine na okwali a gandja oshiholelwa shoo ye a konakonwa tango nookuli ,nelalakano opo ashike omuntu wu tseye mpa wa thikama kombinga yombuto yo HIV.

 

KU MARIA NAMUPALA

LEAVE A REPLY

Please enter your comment!
Please enter your name here