Castro okwa hala oku kala omu inginia miinima yoDstv

0
237

Tsumeb-Uuyuni wo kwaana iilonga otashi vulika wu mone ehulilo esiku limwe molwashoka aagundjuka aaNamibia oyendji oshilongo ashihe oya kutha onkalo yoku tameka oongeshefa dhawo yene.

Gumwe gwomwaambaka oye omunamimvo 22 Castro Gaoab omunona omutine gwomaavalwa yatano maandjawo. Gaoab oku na aamwayinamati yaali aakuluntu nomumwayina omukadhona omushona.

Gaoab okwi ilongo okutulamo ootiivii dho digital nenge [Dstv oku za ku suwala ye konima sho omumwayinakadhona omukuluntu  a mana oondjenda.

Alfonso suwala yandje okwa mono kutya esiku limwe iimaliwa yomondjato mbyoka nda li handi pewa ku mwameme ota yi ka kala uupyakadhi onkene  esiku limwe okwa lombwele, “Otandi vulu oku ku longa opo wu vule okwiilongela iimaliwa yoye mwene, unene tuu sho omumwanyoko keepo we opo a kale te ku pe shomondjato,” Gaoab a ti .

“Aamwameme yaamati ayehe oha ya longo pondje yoTsumeb, gumwe oha longele koMokuti Lodge popepi noNamutuni omukwawo oha longo mo Markhams koWalvisbay.Omumwayinakadhona gwa Gaoab omushona oku li mograde 5 “Onda li kosikola ko Tsintsabis hoka nda piti ograde 10 omumvo 2010, na onda zi ko e ta, ndi ya moTsumeb moka nda kala handi zi paandja mumwameme gwomukadhona omukuluntu megumbo lyawo nomusamane gwe Alfonso.Onda tsikile okwiilonga neitulemo mosikola nonda piti ograde 12 mo 2012, omumvo ngoka omumwameme kadhona a mana oondjenda dhe,’Gaoab a ti noluhodhi.

“Konima yeso lyomwameme onda tsikile oku kala megumbo lya suwala yandje Alfonso opamwe nuutekulu wandje uyali mboka tu holathane noonkondo,” “Kandina esiku nda dhiladhilile oku zamo megumbo lya suwala yandje, oshoka natango tse ezimo limwe na osho ta tu kala ngaaka,’ Gaoab a gwedhapo.

Gaoab okwi ilongo woo okupangela ookompiuta konima, shika okwe shi  ilongo ku kuume ke ngoka iilonga iikwakompiuta ko Unam.”Ondi ilongo oku shi ninga konima sho okompiuta yandje ya kala noku pandje uupyakadhi. Onda pula kuume kandje a ulukile ndje nkene ookompiuta hadhi pangelwa, ye okwa ulukile ndje,’ Gaoab a ti.

Gaoab okwa thaneka oku kiilonga iikwakompiuta ko Unam nuumvo.Onkene edhina Castro Gaoab otashi vulika lika ninge edhina li shiwike mu kehe egumbo monakuyiwa unene muuyuni wo Dstv.Oshoka omugundjuka nguka okwiipyakidhila noku totapo ongeshefa ye yoku tulamo ooDstv.

Okwa ti ye na Ricardo Uiseb omuniilonga mo Agra ota ya dhikepo ongeshefa yawo yene na oya gongela nale iimaliwa na oya shaina euvathano lyomimvo ntano.

“Ota tu ka tameka mbala oku tulamo oodecoder dho Dstv, oshowo oku dhi landitha , no ku pangela woo omapuko ngoka dhina,” osho Gaoab a ti neinekelo.

 

Ku John Travolter Matali

LEAVE A REPLY

Please enter your comment!
Please enter your name here