Chiza okwa hala okuninga oongalo dhina ongushu

0
210

WINDHOEK-Omuhikingalo omugundjuka gwoongalo 

dhoKwaito gwedhina Nehale “Chiza” Josef, okwa ti ye okwa hala okutota nokuninga oondjimbo tadhi tungu oshigwana, nodhina ongushu.

Chiza okwa gwedha po ishewe ta ti, ethimbo lye lyoku fala oshipewa she ponkantu  yopombanda osho lya thikana no ita ka shuna nando ompadhi monima. “Oongalo onde dhi tameka manga ndali ndina oomvula omulongo nandatu. Nonando kandali ndina ethimbo lya gwana. Ondjodhi yandje yo ku kala ongo omunyanyudhi gwaaholi yoongalo osho ya ka ninga yoshili momumvo 2009, moka ndali ndamono nonda tsakaneke aahikingalo oyaakwetu aashona ngaashi Momento, Ama Daz Floor, Tsempo na Kidd Ill, notwa kala noku tota iiyimbo ya yooloka pamwe nayo,” Chiza tati.

Chiza okwati ishewe ka kwali oshipu kuye oshoka okwa kala iitsakidhila nosikola ye, omanga eli ta ningi oongalo dhe, pethimbo limwe a shike. Mongashingeyi ota ka longekidha oalubuma ye ndjoka ya tegelelwa yi ka pite nokutseyithwa muJuuli nota yi ka ithanwa, The Captain.

Chiza okwa ti moalubuma ye ndjika ota ka kwathelwa ku Monique, Yashe tati Pii, Vorticella nAma Daz Floor.

Oalubuma ye ndjika ota yi ka kala yahumbata uungalo omulongo nuune, moka ta mu ka kala oongalo dhomaluudhi ga yooloka ngaashi Hip-Hop, Kwaito noRnB.

“Pehulilo onda hala a shike okupandula aaNamibia ayehe mboka ya kala noku yambidhidha oongalo dhoshiNamibia,”

Chiza ta hulitha niitya mbyoka iishona.

 

 

Ku Pinehas Nakaziko

LEAVE A REPLY

Please enter your comment!
Please enter your name here