Ekotampango omukanka guudemokoli moNamibia

0
335

Iilyo yoshigongi shoka sheetapo Ekotampango lya Namibia kohi yomunashipundi Hage Geingob oya gongalele lwa hugunina mesiku 9 February 1990 , oku shaina omushangwa ngoka ya shitipo. Nguka ogo gwa ningi Ekotampango lyo Republica ya Namibia. Ekotampango olyo omukanka hoka kwa kankamekwa omulandu gwopolitika moNamibia.

Oshigongi Oshitoti shekotampango osha li sha simana unene molwashoka , ka sha li ashike tashi ipula kombinga yuushili nenge wiifundja yaashoka sha ningwa monakuziwa ndele osha li woo tashi ipula nkene tashi longo opo oonkatu dhontumba kaadhi longithwe noku katukwa monakuyiwa. Osha li woo shina omaipulo nkene omakankameno taga ka talika, oku shi talela momadhiladhilo ga yooloka goongundu dhopolitika pethimbo ndyoka. Omaipulo ngoka ota ga konekwa mefalemo lyekotampango sho tali ti:”Tse aaNamibia otwa tokola oku tula miilonga Ekotampango ndyoka tali ulike etokolo lyetu nolyaana yetu oku nyanyukilwa noku gamena esindano lyekondjo lyetu lyethimbo ele…”

Osha hala okutya , Ekotampango otali ti aantu yetu oyena oonkondo kombanda yoshitayi kehe shepangelo.Ootate noomeme yetu oye tu pe uudemokoli wopakotampango, moka oshigwana osho tashi pangele, epangelo lina oonkondo dha ngambekwa, epangelo lya hogololwa kaantu oyendji noshowo lili kohi yewiliko lyompango. Osha hala oku tya uudemokoli wopakotampango owo ekondjithathano  nepangelo lyuukayamukulwa.

Ekotampango kehe olya kwatela mumwe euvaneko lyehalo lyopapolitika, eitulo medhiladhilo kankameno,neuliko lyelalakano lyopashigwana. Tashi ti otali ulike euveko lyaantu kombinga yoshigwana , noshowo kombinga yuuyuni.

Molwashoka Ekotampango olya shangwa kaantu yonyama nombinzi naandika olya tegelelwa li kale nomapuko mokufatulula shoka shaningilwe monakuziwa noshowo shoka tashi ningwa nena moshigwana nopalwe muuyuni.Molwashika, Omakotampango ka ge na oku kala ga shangwa ndele itaga vulu okulundululwa, ina ga kala ge tu manga uuna uuwanawa woshigwana owo tawu shi utha.

Ekotampango lyetu olyo oshizemo shi li nawa shi ikwatelela konkalo moka lya shangelwamo.Ootate noomeme mboka ya shanga ekotampango otu na oongunga dhawo dhaashi ku yalulwa. Oshe ya, kutha omasiku 80 oku shanga ekotampango, kombinga yimwe. Oku yeleka naAamerica noshowo aaFransa mboka ya kutha konyala oomvula mbali nenge dhi vulepo okushanga omakotampango gawo.

Ekotampango olye tu pe eshongo epe nkene  tatu topola oonzo dhoshilongo  no itaa tu li yono nenge tu taaguluke omautho galyo.  Omashongo gopankalathano ngaka otaga eta omaipulo ogendji.

Ekotampango olya etapo etsokumwe momasindano gontumba, ngaashi omahogololo moka aaNamibia  ya hogolola aawiliki yawo omathimbo nomathimbo shi ikwatelela komwaalu gwaantu oyendi. Iikundaneki oya tsikila okulonga noku kundaneka memanguluko, oompangu ohadhi tokola iihokolola dha manguluka. Oku koleka oshitsa shika oohofa odha kwashilipaleka kutya  ewiliko lyompango olya simanekwa na odha tumu elaka tali uvika kutya kapena nando omuntu gumwe eli kombanda yoveta, nenge eli pevi lya yo. Ekotampango olya tegelelwa li pite otutsa yomashongo niikungulu yethimbo. Kundana ote ku halele edhimbuluko eti 24 li na elago.

LEAVE A REPLY

Please enter your comment!
Please enter your name here