Oku itseyitha okwa simana unene koospana dhetanga

0
251

SWAKOPMUND – Oospana odhindji dhetanga lyokoompadhi odha kala konima kombinga yokwiitseyitha okupitila miilimbo yadho nenge momandhindhiliko nomomalwaala gadho. Odhindji dhomwaandhika odha kala monima mwaashika oshoka , ihadhi, itseyitha nuukeka. 

Oshinima shika shuunkundi mokati koospana ihaadhi itseyitha nawa opo dhi mone aayambidhidhi oyendji oshilongo ashihe osha inyengitha Omunashipundi gwo MTC Premier Liha, Johnny “JJD” Doeseb, opo a kundathane oshinima shika noospana dhimwe dhomoliha.

Okwe dhi ulikile nkene dho dha nkundipala ngele tashiya mokweetapo omikalo tadhi hili no dho shinanena oku landitha omutalelo gwadho kaantu mboka tashi vulika ye ke dhi yambidhidhe esiku limwe.

Shika osha pendutha dhimwe dhomoospana ndhoka hadhi dhana moLiha ndjika ya MTC Premiership oshiwike shayi  unene tuu Olyomakaya ga yi, sho ospana yo PC Blue Boys – naandjoka ya za koKatutura yo African Stars dha tameke okwiitseyitha omanga inaadhi ka dhana uudhano wadho woliha moSwakopmund.

Oospana ndhika odha longekidha oshikonga shoka hashi ithanwa tsakaneka nokupopitha omudhani. Oshikonga shika oye shi ningile pendiki enene lyoongeshefa moSwakopmund opo ya hile aantu ya kale nohokwe yoku ka tala uudhano wetanga lyokoompadhi, mboka wa ka sindanwapo ko African Stars nookoola 2-1 konima yoshikonga shika.

Pethimbo olyo tuu ndyoka ospana ndjika, kwiitaalwa oyo yina aayambidhidhi oyendji moshilongo oya longitha woo ompito ndjoka oku tseyitha kutya oyi na uudhano wekopi lyomanyakwa go CAF Confederation moka tayi ka tsakanena nospana ndjoka oyo enyakwa moliha yokoAngola yedhina, Petro Atletico, pokapale ka Sam Nujoma moKatutura Olyomakaya ndjika.

Uudhano pokati koospana ndhika wa landulako otau ka kalako konima yiiwike iyali moLuanda shAngola.

 

Komukundaneki

 

LEAVE A REPLY

Please enter your comment!
Please enter your name here