Omulumentu a dhipagwa

0
221

ONGWEDIVA – Omukiintu gumwe okwa adhika a dhipagelwa mepya moshiningwanima ishewe shedhipago li na sha niihole.

Opolisi moshitopolwa Omusati oyi itsu moshiponga shika shinyanyalitha pehulilo lyomwedhi gwayi momukunda , Oshihawu moshikandjohogololo Onesi.

Palopota yopolisi omunamimvo 30 Martha Dishane  nomumati gwe Paulus Iita Kaondi ngoka ya vala naye omunona gwomumati  gwomimvo ne aniwa oya li taya nyenyeta sho Dishane emu talelepo maandjawo moka ye a kala na yina.

Mbaka yaali aniwa oya yi mepya moka ya tisikile oontamanana, nonando ka ku shiwike kutya oshike sheeta oontamanana , Kaondi aniwa okwa kutha ombele ndjoka a li ena noku tsa Dishane iikando oyindji olutu aluhe.

Dishane ngoka a hulithile mpoka okwa adhika ena iishaho yoombele mepunda, kombunda, mothingo, kokutsi kokolumoho  nooko kwaako kokolulyo . Okwa li a tuswa iikando 18.

Kaondi ngoka iigandja yemwene kopolisi pOnesi oku li mondholongo  posasiona yopolisi pOutapi . Okwa tamanekelwa oshipotha shedhipago, na okwa holokele mohofa ya Mangestrata mOutapi.

 

Ku Kakunawe Shinana

LEAVE A REPLY

Please enter your comment!
Please enter your name here