Omumati omugundjuka ta kongo ekwatho

0
231

ONDANGWA – Sakaria Kathima goomvula 28, omukalimo gomOndiiyala mEheke ota kongo ekwatho moshigwana, okuna uudhigu nongashingeyi kewete mpoka tu uka.

Omumati nguno ota hokolola kutya oku na uunkundi womeho ashike keshi ku shi hokolola kutya oshe mu adha ngiini.

Okwa hololele Kundana kutya momasiku 9 ga Januari okwa li owala ta hingi ohauto ye, nokonima okwa tameke ashike ta nyu momeho sigo ga zindi, no ku ya nee kwe megumbo sho a tema kolusheno okwe kiiyoga oshoka okwa li tiipula pamwe osho ngaa nee a kala ta longo ashike lwo konima owala yethimbo okwa ka tameka kee weteko nande osha.

Esiku lya landula okwa tokola opo aye koshipangelo kOnandjokwe hono a pewako omiti dhokugwaya, ye ndohotola te mu lombwele kutya oku na owala o Allergy. Okwa hokolola kutya omiti ndhono apewa koshipangelo ina dhi mu kwatha sha onkene okwa ka tokola opo aye kOshipangelo sha Medi Park kOngwediva, eta pewako ngaa omiti dhoku gwa ya ashike nadho inadhi mu kwatha sha nande.

Sakaria ta ti ngaashingeyi oku li muudhigu oshoka ke shi we onkambadhala ta vulu ku ningapo unene tuu sho a kambadhala a mone oondohotola nonande a pewa omiti inadhi mu kwathela sha. Tati onkalo ye otayi uvitha omuntu nayi oshoka ke weteko owala nande nande ye haasho sha kala oshinima owala shemu adha.  Ota holola eli momalimbililo konkalo ndjoka yemu adha oshoka iilonga okweyi etha kena nkene ta kala ta yiko omanga kee weteko.

Ota indile nee koshigwana oshisimanekwa opo shi mu kwathele kuudhigu eli muwo, ta tsikileko woo tati kewetewe sho ena kuningapo, pamwe opuna ngaa ngo ta vulu okumukwathela moshinima sha tya ngeyi. Okwa hololole Oshifo shino kutya nonande a taambako onkalo ye ndjo eli muyo ngaashingeyi okuna uumbanda wokutya pamwe ita ka monako we nande nande osho na tate gwe okwa adhikile owala koshinima shafa shika ihe sigo onena ndji, iha monoko we nande , okwa ninga omuposi. Sacky ota vulu oku monika kongodhi ndji 0816782844.

 

 

Ku Maria Namupala

LEAVE A REPLY

Please enter your comment!
Please enter your name here