Soeklam na ye a thiki mehangano lyoongalo

0
186

KuPinehas Nakaziko

 

WINDHOEK – Oomwaalu gwoOnuugwedha kOmilunga mba ha ya imbi oongalo tadhi nyanyudha, otagu yi pombanda mongaashingeyi. Omvalele yomomukunda Omuthiya, mOshitopolwa shaShikoto Naftal Nakaandungile a tseyika nawa moongalo Soeklam osho a tokola iikuthe kohi, ye a ulike kutya okwiimba kuye okati komokutsi.

Soeklam, omulumentu gwomuNdonga okwa tengenekwa ta ka pititha oka alubuma ke okashona muMei nuumvo taka ka ithanwa Uushakashaka, hono ta ka kala kahumbata uungalo utano.

Soeklam okwa ti, epititho lyoalubuma ndjika oku ulika ashike emwenyeko, nokugandja omulyo gomusiki ye, manga oalubuma ye onene tayi piti, ndjoka ya tengenekwa yi ka ithanwe, “Comboza Misscall”, tayi ka pita kuyele omvula ndjika, no tayi kakala yi na, oshipandi shoongalo dhoKwaito ngaashi Uushakashaka, mono ta ka kwathelwa koFresh Family, na Hommies ta kwathelwa okwiimba kuDearborn.

Soeklam, moongalo ekuya lyaka nale oshoka okwe dhi tameka pepipi eshona lela, mo 2012, moka ali a pititha, okangalo ke kamwe, “Okaleke” hono ali eka imba pamwe naPedrito manga ineetu thiga po. Okangalo hano okaningwa wo okavidio, hoka kali ka ningwa kehangano lyoKappa Film Production lyeshigamena mOshakati.

Soeklam okuna wo uumbindja we mbono hawu zalwa uunene kaanaskola pamwe naye,  moshiputudhilo shopombanda shaHifikepunye Pohamba, mOngwediva nosho woo moondolopa dhokonooli nodho kuushimba.

“Aahikingalo tu longeleni kumwe tse tatu longo nuudhiginini,  opo tu kambadhaleni oku imba oongalo tadhi tungu oshigwana. Natu ilongekidheni opo omashongo kaage tu sinde,” Soeklam tati.

LEAVE A REPLY

Please enter your comment!
Please enter your name here