Tu yambuliipo oongalo dho shiNamibia – Spdoo

0
177

Ku Pinehas Nakaziko

 

WINDHOEK – Joseph Spdoo Andimba, ekanda ndoka lyanuka po, lya yambukile moshitopolwa shaNyaanya mOndonga yaNangolo.

Spdoo okwa li a indile aahikingalo naakwashigwana aaNamibia opo ya yambulepo oongalo dhoshiNamibia, tashi pitile metsokumwe, pokati kaaningi yoongalo, naapulakeni yadho.

Okwa ti nee, shika otashi ka ningwa ashike ngele aantu ayehe taa tula uukuni kumwe, yo ya yambidhidhathane.

Spdoo omuningi gwoongalo dhoKwaito nodhopambepo.

Oongalo okwe dhi tameka nale manga a li omushona lela, naashi a koko okwa tokola edhi tule pamuthika gwopombanda.

Okuza ngaa mo2010, okwa li a indile omutoti gwomayimbilo, Pendrito opo a tameke okumu ningila omikwelengendjo dhoongalo dhe. Nonando Spdoo ta li oompanda mbali ngaaka, mosikola nomoongalo, shino oshipu kuye oshoka shidhigu iha nyenge mwene.

Mo 2012, okwali a sindana oshishani shomuhikingalo ha imbi oye a wike, methigathano lya ningilwe mOvenduka lyaahikingalo yopetameko, ko Small Tech.

Momumvo ogo tuu ngoka, muDesemba 15, okwa ningile oshiindingili oshinene moshitopolwa shawo mOnyaanya poRoyal Africa Bar, mpono wo natango omvula ya ziko puDesemba a ningipo oshiindingili shokakadhona dhingi ano Miss Onyaanya, shoka shali sha etelela Kuku Nkandanga, noombusphe miilonga oyendji notashi kala hashi ningwa kehe omvula, mekwatho nomewiliko lya tate Martin Elago.

Ngashingeyi okwi itsakidhila nokunduluka oongalo dhongushu ndhono tadhi ka kala moalubuma ye yotango, ndjono tayi ka pita kuyele nuumvo. Spdoo okwati, ita shuna omutse miipeta omanga a tseyika nawa nale kutya ye keshi okatana komiilya, ngele ta shiya poondjimbo nopoongalo.

LEAVE A REPLY

Please enter your comment!
Please enter your name here