Athletika nayo osho ya tameke

0
180
Aanona taya ilongekidha oku matuka oshinano shontumba puudhano woatletika pokapale kuudhano poseko ya Nehale. (Omathano: Maria Nampala)

Ku  Maria Namupala

 

ONAYENA – Ethimbo ndino olyo ndyono oosikola odhindji moshilongo hadhi kala nomathigathano gokumatuka nodhindji ngaashingeyi odha tameka nomathigathano ngaka.

Momasiku sho gali 15 Februari mokapale ketanga ka Nehale omwali mwa ningwa omathigathano gokumatuka ngono ga ningwa koosikola ndhono dhili mOshikandjolongo Onathinge mwa kwatelwa ngaashi Otananga, Nehale,Onayena,Oniiwe,Onamulunga na dhimwe woo.

Aanasikola oya li ya thigathanapo no ya matuka iinano ya yoolokathana ngaashi oometa 200, 800, 1500, 2000, 3000 nosho tuu.

Elalakano lyuudhano mbuka oku eta owala uunona kumwe noku tala ngo ta vulu oku matuka e vule yakwawo oshoka yamwe oyena ondapo yoshidhudhu.

Shipululu Naftal ngono eli omuunganeki gomaudhano okwa holola esimano lyomaudhano kuunona wosikola ta holola kutya uunona owa pumbwa oku uvithwa nawa nomaudhano kaa wu kale owala kehe thimbo tawu lesha.

Shipululu okwa ti ye okuli omulongi paithano na oha longo pOniiwe, ta ti uunona wawo ohawu idheula okumatuka ngele osikola ya pitimo na owundji owuli omanyakwa.

Nduutapo Ruben na ye omuwiliki gomaudhano moNathinge okwa popi woo kutya oya longekidha, opo oshikandjolongo Onathinge oshowo shOshigambo shi ninge omathigathanopo ehulilo shiwike ndika yo ya tale uunona mbu hawu matuka nawa, shampa nee mwa tothwa mbu hawu matuka wu vule uukwawo ano mbu wa sindana otawu ka matuka momuthika go paitopolwa kOshakati.

Oosikola dhomoNathinge odha li dha tumu aanona naalongi opo ya ka kalelepo oosikola dhawo, na uudhano mbuka owali wa enda nawa noonkondo.

LEAVE A REPLY

Please enter your comment!
Please enter your name here