Natu gandjeni etumwalaka ewaanawa oku pitila moongalo

0
199
Jonas ‘Boet’ Mungungu oye gumwe omuhikingalo

Ku Maria Namupala

 

ONAYENA – Konyala kehe omugundjuka omuNamibia okwa hala a kale omuhiki gwoongalo na oyendji ota ya kambadhala oku gandja omatumwalaka omawanawa oku pitila moongalo dhoshiNamibia.

Ethimbo nethimbo omwaalu gwaahikingalo otagu ende ta gu yi pombanda.

Jonas ‘Boet’ Mungungu oye gumwe omuhikingalo ta kambadhala oku yambulapo omusika dhoshilongo.

Omulumentu nguka okuna oomvula 23  nokwa yambukile mOshakati shaNangombe.

Boet ye mwene oha hiki oongalo dho kwaito ndhono a tameka ku hika okuza mo 2010 manga ali eli mosikola. Boet, okwa ti okwa kwatwa kohokwe yoku hika oongalo manga ali omushona lela noyendji yomOshakati oya kala taye mu tsu omukumo opo a tameke okwiimba oongalo nokwa tokola nee a ulike uunyakwa we mboka e na, tashi pitile moongalo.

Boet okwa ti sigo oponkatu ndjino ina pititha nande oalbuma yimwe oku na owala uungalo mbono a pititha koo kamwe nookamwe ashike oku na edhiladhilo kutya muule woomwedhi ooshona, twa taalela ota ka kala a pititha o alubuma ye ndjono aantu oyendji ya kala ye yi tegelela, ta yi ithanwa Unexpected Arrival.

Omuhikingalo nguno oha kwathele yamwe yomaahikingalo Aanamibia ngaashi Niihana, Satlam, na yamwe oyendji. Oha imbi nee thimbolimwe pamwe namukwawo Chakalas ngono naye opo te ya mowela.

Boet okwa holola kutya mOwambo kamuna unene omahala omawanawa to vulu oku kwatela oongalo dhoye unene ngaa mba opo ta ye ya mehangano, oompito odhindji odhili owala kOvenduka.

Okwa indile opo aahikingalo ya taandelithe etumwalaka ewanawa oku pitila moongalo unene ngaashi pethimbo lyomadhipagathano ngono ga geya moshilongo.

“Oongalo dhina ongushu no tadhi tungu odho dha pumbiwa, inatu kaleni tatu negathaneni ihe tu itungeni tse tu yambulepo oongalo dhetweni oshoka ohaku tiwa ‘local is lekker’ onkee elongelokumwe olya pumbiwa,” Boet ta ti.

Ye ta tsikileko nokutsa omukumo kehe ngoka e na oshitalenti shokwiimba opo kee shi holeke, yo ya tameke oku hika oongalo tadhi hokitha. Ye mwene keli owala omuhiki gwoongalo mongashingeyi okwa ka tsikila osikola ye kOvenduka ye ta hiki woo oongalo dhe.

LEAVE A REPLY

Please enter your comment!
Please enter your name here