Okamatyona ka dipaa omukulupe

0
298

Ku Helvy Shaanika 

 

ONGWEDIVA – Okamatyona keedula 19 oka holoka momhangulilo yaMangestrarata mOndangwa, ta ka tamanekelwa edipao lomukulupe weedula 77.

Kaunawoye Hamukwaya weedula 19 okwa kwatwapo oshivike sha djako konima eshi ta ku fekelwa kutya okwa denga nokudipaa, omukulupe weedula 77 nekuva, ndele ta kokololele olutu laye moixwa.

Oshimhu shomukulupe, Mika Nikonia womomukunda Onakankuzi mOmuthiya osha hangwa sha ninga nai, sha holekwa moixwa pomukunda wavo opo Etine loshivike sha djako.

Otaku hokololwa kutya Hamukwaya okwa lombwela opolifi kutya okwa dipaa Nikonia shaashi okwe mu lundila kutya okwa vakapo oN$6000 yaye.

Eshi osha eta opo a vakele omukulupe nekuva omanga a li ta ka konga omeva.

Pa hokololo olo Hamukwaya a yandja kopolifi, Nikonia opo a fila opo.

Kouyelele ou wa yandjwa kOmupeduwiliki wOpolifi mOshitukulwa shaShikoto Naomi Katjiua, omufekelwa oo naye womomukunda Onakankuzi, okwa holoka nale momhangulilo yaMangestrata mOndangwa mOmaandaxa oshivike eshi.

Katjiua ta hokolola kutya opolifi oya hanga imwe yomoinima yaNikonia, mwa kwatelwa eenghaku daye meumbo omo hamu di Hamukwaya.

LEAVE A REPLY

Please enter your comment!
Please enter your name here