Ondalaiva ya tokoka okwooko moshi ponga

0
224

KuHelvy Shaanika

 

ONGWEDIVA – Omupopliko wOpolifi mOshitukulwa shaShana Sergeant Tomas Aiyambo okwa kunghilila ovashingi voihauto opo va tulepo omukalo wokushinga va pitifa mo omaoko moituwa.

Aiyambo okwali ta popi eli kolelela koshiponga osho sha ningilwa kokapate kokOmpundja, Omaandaa oshivike shadjako, omo ondalaiva ya tokolwa okwooko moshiponga.

Aiyambo ta hokolola kutya omulumenhu oo a li ta shingi otuwa yo Toyota Hilux okwa nyengwa okupangela osheendifo, osho sha etifa opo shi weko kopate nokupitula po edidiliko lomondjila.

Ovatwaalelwa va vali ovo va li va londa komesho yotuwa ova djapo poshiponga omo no okapulu kelume, omanga vakwao vane ovo va li konima yoshiendifo ova djamo ina va ehamekwa. Okwooko komushingi, oko taku fekelwa kutya okwali eku pitifa mo moshiendifo okwa tokokako no kwa fyaala poshiponga opo.

Omushingi okwa tambulilwa moshipangelo shepangelo mOshakati omo e li ta mono ouhaku.

Aiyambo ta kunghilile ovashingi voituwa, unene tuu ovashingi veetekisa ovo kwa didilikwa kutya ove na omukalo wokushinga va pitifa mo omaoko, kutya opolifi ita i ke lididimikila oshinima eshi.

“Eemhango domeendjila ota di ti, hamunhu ta kala motuwa a pitifa oshilyo sholutu kondje. Onghene keshe ou taka hangwa eli kondje yoveta ei ota ka kwatwa po  kopolifi,” Aiyambo ta ti.

LEAVE A REPLY

Please enter your comment!
Please enter your name here