Selma nondjodhi okuninga okakadhona dhingi okaNamibia

0
380
Selma ngoka a hala okuninga okakadhona dhingi ka Namibia

Ku Pinehas Nakaziko

 

WINDHOEK – Selma Taatsu Nepolo, ontana ya Nelende lyUugwanga, nomvalele yomOniimwandi, mElombe moshikandjohogololo shaNayena.

Selma okuna ondjodhi onene yokuninga okakadhona dhingi kaNamibia a no Miss Namibia.

Selma ngoka ena oomvula 20, okwa putukile moshilandopangelo shaNamibia, moVenduka, petameko lela, moka woo a tamekele oku iyulika onga okakadhona dhingi, kiiningwanima ya yoolokathana.

Momumvo 2004 manga ha hiti posikola yopevi, poNamutuni okwa sindanene ishewe iishani niihako oyindji ngaashi okakadhona okatiyali, nokotango, momathigathano ga yoolokathana.

Mo 2007 okwa sindanene po ishewe oshishani shokakadhona okatiyali, methigathano lyoJunior Team, moka mwa li mwa holoka omwaalu guukadhona owundji okuziilila koosekundosikola dho moVenduka.

Mo2012 okwa ningile ishewe okakadhona okatitatu muMiss Otavi, omanga omvula ya ka pita a sindana  Miss Okana nosho woo Miss Elombe, oshishani shoka shokakadhona dhingi, komukunda gwawo.

Konyala momathigathano guukadhona dhingi ha kutha ombinga iha kala ineshi enditha nawa, nenge a hulile ngaa kolweetho lwahugunina.

Selma oku hole unene okulesha iifonkundana, oku kundathana nookume nokudanisa.

Ota holola olukeno nohenda komadhipago ngoka taga ningilwa aakiintu monena kaalumentu yawo no ta ti shigwana tuyeni koongolo Nampongo etu dhimine po, ye etu wilike moku kala kwetu uunene tuu tse aagundjuka mboka twi ininga ookakombo ilitha.

Okwa indile omakanda ga kale gena oshisho naaholike yawo.

Nuumvo kuyele Miss Elombe okwa dhiladhila a katalelepo oosikola dhokoshitopolwa shawo, te ende pamwe nElombe Art Academy, osho wo M’kwanyoka Entertainment.

Shino otashi ningwa opo a tse omukumo aanona mba yena ehalo oku ninga oomodela nenge sha shi nasha nuunongo mbuka.

LEAVE A REPLY

Please enter your comment!
Please enter your name here