Spiny and the Green Kids ko Chez Ntemba oshiwike tu uka

0
482
Okapeko koalbuma ompe ya Spiny and the Green Kids’ ndjoka yi na oongalo omugoyi yedhina Paulina ta yi ka imbwa pokluba yuusiku yOld Chez Ntemba moVenduka.

Ku Clemence Tashaya 

 

EENHANA – Spiny and the Green Kids ongundu yimwe ya simana mokwiimba iiyimbo yopamuthigululwakalo gwoSilozi moshitopolwa shaZambezi.

Aahikingalo mbaka oya tegelelwa oku imba poklub yo ko ngulohi yedhina Chez Ntemba onkulu oshiwike tuuka.

Ongundu ndjika oyi na iiyimbo yi holike unene kaapulakeni ya yo, onkene mbaka oyo ye yi hiya opo yi ye koVenduka oku ya nyanyudha oshiwike shoka tashiya. Pahapu dhomulongekidhi gwomauliko ngaka, Sylvester Simubali gwehangano lyo Zambezi  Intwiza Entertainment, Spiny and the Green Kids pamwe nomukulukadhi gwe Sherrie oya tegelelwa oku ka holoka mokluba yOld Chez Ntemba sho ya hiwa kaayambidhidhi yawo yomoVenduka. Simubali okwa ti omwaalu gwaayambidhidhi yongundu ndjika otagu ende ta gu yi pombanda noonkondo.

“Oalubuma ye ompe yedhina , Paulina (Cimu Cilumba Muceke) ota yi dhanwa noku pulakenwa kaaholi yomusiki ndjika oyendji yendji miitopolwa sha Zambezi, Kavango noshowo palwe moNamibia. Okuza tuu nkene ndjika ya tseyithilwe kutya ota yi landithwa, ookopi dha yo odhindji odha landithwa moshilongo ashihe, nomolwashika tse otwe mu hiya opo e ye a imbileko aayambidhidhi ye pokluba yokongulohi yOld Chez Ntemba,” Sylvester Simubali a ti.

Paulina oalubuma ontintano ye, ta mu imbi omukadhi, Shirrie ongo oye Paulina meimbilo ndyoka. Oongalo ndhoka tadhi ka imbwa uusiku mboka pokluba ndjoka odho, Chiyobo, Paulina, Ward 2 and Sijabana, odhindji dhomudho  ohadhi uvika tadhi hiki miilonga yokutuma Omawi Mombepo yaNamibia melaka lyoSilozi.

Omaimbilo gamwe ngoka ge li moalbuma ndjika ompe ongaashi Sikwalula Mulomo, Dady Nikupa kwa Fone yaMina, omanga eimbilo lyedhina  Shunguuu olya nyolwa no ku tulwa kumwe komukulukadhi gwe Shirrie.

Ooalbuma dhoongalo dhimwe ndhoka ongundu ndjika ye etapo sigo oompaka ongaashi Blood of Heroes moka mu na omaimbilo ngaashi Haiwe Chelete, Region One, Siwewe noshowo the Namibian Police.

Spiny ngoka edhina lye olyo  Lifasi Kasuka ota pandula Kalunga omolwa oshitalendi  shoka e mu pa, na okwa kwashilipaleke aayambidhidhi ye moVenduka kutya ita ya ka dhimbwa esiku ndyoka nando olumwe.

“Sho ongundu yaa yambidhidhi yandje ta yi koko  onda hala oku yi  kwashilipaleka kutya otandi  yi hikile oongalo oombwanawa mona ku yiwa,” osho a uvaneke.

Nanah Nzundamo, omuyambidhidhi gwe moWindhoek oku li miikogo kombinga ya Spiny and the Green Kids a ti oku za tuu nkene a pulakenene oongalo dhongundu ndjika , pohango ya li poSesheke moZambia, oku za mpoka okwa zipo edhi hole unene.Onkene ota ti ongundu ndjoka oya pumbwa eyambidhidho enene shili.

Okwa ti eshongo ndyoka lilipo kombinga yeholoko lyayo pokluba ya Old Chez Ntemba oondyoka ashike sho ehala ndika eshona unene , oonaku longekidha oya li yena oku konga ehala lya andjuka.

Asitobeke bar ndjoka ya  Mwangala Lyomba na  Malambo moKatutura oya gandja N$1000 omolwa iikulya niikunwa ya Spiny and the Green Kids ngele ya thiki oku za koKatima Mulilo.

Ofuto oku ya momauliko ngaka pOld Chez Ntemba N$70 mokatekete komuntu kehe, omanga okatekete kaamboka ya simana ota ka landwa ko N$150 .

LEAVE A REPLY

Please enter your comment!
Please enter your name here